الليل طويل
الليل طويل و بيعدي علي روحي
وأنا السجان نسي اسمي وطال نوحي
وتقيدي علي كلمه
وتنهيدي طلع غنوه
ما بين جدران أنا عايش
لا بر أمان ولا شايف
حدود لليل
كأني لسه متلحف في بطن الأم
عزيز عيني شرد مني وحالي يغم
مانيش طالب يكوني جناح
مانيش طامع في ارض براح
أنا طالب يهون ليلي
نهار يمسح جراح وأيلي
وأكون للفجر ضوء اخضر
أصلي ركعتين واشكر
علي حرية طلباني
علي موتك يا سجاني
لكني لسه في سوادك
حزين مهموم وأوقاتك
تفوت علي العقل وتقول لي
نهاري مكسب بالتولي
يا عاشق تبر أوطانك
بيجري النيل علي شانك
ولو تصبر يعدي الليل
وشمس الفرحة جيالك
اسامه صبحي محمد
عنوان الموضوع: "اسامه صبحي محمد / الليل طويل"
إرسال تعليق