اسامه صبحي محمد / ونتلاقى

ونتلاقى وتتلاقى عيون بعيون

ألاقي الروح كده طيره واخدني جنون

فأزرع صورتي في عيونك 

وأتغطى برمش حنون

أنا الفارس 

سنين عمري وسيفي شجون

قاصد رمشك سواد الليل يكون مفتون

وأنا بكي في روح روحي كيان مسكون

بعطر الفرحة من جوفك 

بنغمه التقي كفوفك

واغنيلك بصوت نبضي

ونسمه تعدي فتغطي

علي عشقي 

تخاف من بكره ليهدي

ويتأخر علينا النور

والقاني في عتمه وسور

ومستنظر عروس الحور

وتاخدني ظنون وظنون

فارجع تأني من خوفي أقول اسمك

وريشه تفوت على حيطاني يكون رسمك

فألاقي أيديك تحضني 

وبر حنان يطمني

فتهدى نفسي جويا

وأضم بأيدي ورديا

وابقي ذي موج البحر

يعود تأني لبر السحر

خيال في الحلم يتحقق

وانا وحدي كده مصدق

طلوع الشمس من تاني

تدفي روحي وكياني

لكني وحدي في حلمي

وحلمي نفسه تاه مني

فاقول لو بس نتلاقي عيون لعيون

اسامه صبحي محمد

14/2/2016

قابل للنقد