بهرب منك
خاطرة ل فيفى شرارة
بهرب منك غصب عنى
بهرب م الوعد المستنى
ولانى بحبك فضلت اهرب
قبل الحلم ما يفوق منى
قبل دموعى ماتطفى شموعى
قبل ما اتوه ومقدرش ارجع
عارفة نهايتى قبل بدايتى
ودايما قلبى اللى بيتوجع
بهرب منك
بهرب منك علشان ألاقيك
بابعد وانا فاكرانى عينيك
خلينى ذكرى تفضل فاكره
مهما بكره جه ينسيك
وما تزعلش منى
لأنى بهرب غصب عنى
بهرب منك
بابعد ومش بإ يدى اسامحك
خايفة بإيدى ينزف جرحك
تاه الطريق من الطريق
والجرح ها يوصل قبل فرحك
وماتزعلش منى
لأنى بهرب غصب عنى
عنوان الموضوع: "بهرب منك To run out on you خاطرة ل فيفى شرارة"
إرسال تعليق