{ زويل والمهابيل }
***************
العتبه جزاز والسلم
إتنيل نيلوا
ده الهم طايلنى وطايله
الواد {اندشه } العبيط
اللى اخترع طياره بدباره
من يومين ف الغيط
ودايما حاططها
ف وش الحيط
أّل ايه بعد ما مخمخ الحجاره
وبلبع برشام الشطاره
فوق سطح العماره
اتفق مع{ بٌــــــله} الاحول
ما هو واد مخبول
يهاجموا زويل وكل جليل
بكلام كله لفق وتضليل
واتلم معاهم زعيط ومعيط
ماهم بيحبوا التهليل ..
وورا اعلام رخيص جريين
طب مالهم ؟ما هو ده حالهم
وحال كل رخيص
بيحب التهييص
والعتبه جزاز
والسلّْم إتنيل نيلوا
ده العويل اصلاً شايلو
خلاص ما فى عتاب
الحق يا ولاد داب
وراح وراحة ايامه
بكره ها يطلبوا با عدامه
ويوسخوا له هندامه
طب كانوا فين
لما كان موجود
ما خلاص مابقاش
اخلاص ولا حدود
والعتبه جزاز
والسلّْم إتنيل نيلوا
ومحدش فيهم طايلو
**************
عبدالرحمن بكرى
عنوان الموضوع: "{ زويل والمهابيل } عبدالرحمن بكرى Harafish"
إرسال تعليق