موش كفايه بوسطة محمد لطفي ابو الفتوح

موش كفايه ...............2016/6/30

لما اكون نور ساطع امامك

وتشفيني ضلمه..

ما تحسينيش

وكلامي موش في اهتمامك

ولاغلي كلمه..

ما بترديش

يعني ايه بحب وهم

يعني ايه بكلم نفسي

يعني فهمي سؤ فهم

ولا غلطت في كل رسمي

رفضك ليه اكبر سهم

قاتل قلبي قاتل حسي

.

قدريني ....اني ماليش 

غيرك واحده

هي عمري وكياني

.

دبريني ....ازاي اعيش

بدونك وحده

وانتي كل اهتمامي

.

طب ...حسي اني انسان بحس

وبلاش كلامك ليه ادامي

كفايه كلام ...كفايه همس

اللمسه بتدبح في قلبي الدامي

.

موتي كان للحكايه

بلاش ادام الناس علامي

كلميه من ورايه..

حس بيه موش امامي

.

ضحكتك معاه........دمعتي معايه

اعليها والاه..........فيه موش كفايه

موش كفايه.............

محمد لطفي ابو الفتوح