قصيدة أجمل حب
بحبك حب مالو حدود
حبيبتى يا أم العيون السود
وقصة حبنا هتفضل
ذكرى جميلة لكل الوجود
حبيبتى مهما الزمان يفوت
عالم مالك الملكوت
انك دايما فى بالى
ومعاكى راح زمن السكوت
معايا بتبقى وحشانى
وهنعيد الكلام تانى
هحبك والله طول العمر
يا كل سنينى وزمانى
كل كلمة كتبتها فيكى
وصفت فيها نظرة عنيكى
تثبتلك أد ايه بحبك
وكل ده قليل عليكى
يا حبى القديم والجديد
أشواقى ليك بتزيد
كل يوم والتانى هحبك
وشوقى ليكى ده شئ أكيد
فى عيونك كتر الكلام
وفى بعدك معرفش أنام
يا كل شئ حلو فى حياتى
ومعاكى شوفت معنى الغرام
بحبك حب مش عادى
وقلبى عليكى بينادى
يا أجمل حاجة حصلتلى
يا أجمل زهرة فى الوادى
عنوان الموضوع: "أجمل حب بوسطة أحمد عامر الشريف"
إرسال تعليق