روق فتحى طنطاوى / اعتزلت الغرام إسلام عامر / كفاك يا قلبي احمد السيد القاضي / :: حبة رتوش :: معوض حلمي Harafish

روق وبلاش بكى وأوجاع

عمرالبكامارجع اللى ضاع

ولا الدنيا تستاهل شوية صداع

خدنامنهاايه غيراوجاع

ناس على الفلوس بتدوس

وناس بتبات بالعراجياع

روق وبلاش بكى وأوجاع

زمان الحلوفيه إتباع

والصحاب بأقل سعر

لصاحبة والعشره باع

دورت على شجرالصبر

لجل اشربه طلع نعناع

اهوالكلام طعمه نعناع

لكن فى حقيقته مروضياع

كله على كله صاع وباع

حتى الحب بقى وهم وخداع

والمشاعر حزمة نعناع

على كل السوق تتفرق وتباع

روق وبلاش بكى وأوجاع

الغدربقى طبع والوفاضاع

ليه نلبس توب الصدق

والإخلاص وقلوبنا سوده

وضميرنا بيغزل خيوط الخداع

ضاع الحب ضاع وفضلت الاوجاع

فتحى طنطاوى 

*************

اعتزلت الغرام 

أوجاع

مملكة الأحزان

إسلام عامر

اعتزلت الغرام ضحكت ليا الأيام 

ارتاح البال والفكر من عذاب الحب

والحيرة ومر الخصام 

اعتزلت الغرام

ارتاح القلب من أوجاع الهجر

والجرح وآهات الآلام

اعتزلت الغرام

مبأتش أسهر طول الليل

مع النجوم والقمر احكى واشكى

مبأش يأثر فيا الماضى والذكرى

مبأتش افكر غير فى نفسى وبس

وأملى وحلمى فى بكرة

اعتزلت الغرام

ماتت كل أشواقى وحنينى

من غدر حبايب 

باعونى جرحونى خانونى

قواهم عليا غدر زمانى

وظلم سنينى

اعتزلت الغرام

ارتاحت ونامت خلاص عينى

ووعدت قلبى بدموعها تانى

ماتبكى عليهم 

ولا حتى فى الأحلام

اعتزلت الغرام

وخلصت الحكاية

من غير عتاب ولا لوم

لحد كدة وكفاية

وبالمفيد المختصر 

رضيت بالنصيب

وبحكم القدر

وبأيدى كتبت

النهاية

اعتزلت الغرام 

أوجاع مملكة الأحزان

إسلام عامر

*************** 

كفاك يا قلبي

****

سهران اعد النجـوم

وحبيبي بعيــد عنى

يمـكن يحن فى يوم 

والقاه قــــريب منى

****

شــــــــــارد بفكرى بعيد

وكـبرت سن على سنى

من يـــوم مارحل الحبيب

الفــرح بعــد وخـاصمنى

****

يا فــرحه يا مـعديه

تعـــــــالى زورينى

افرح معاكى ثوانى

يمكـن تنـســـينى

****

اصل الجراح طرحت جــراح

وصارت الجراح بالـكــــــوم

نفسي ف طبيب يـداوينى 

ولا اعيـــــــش مـــــهموم

****

يانفس تــــــــــوبي

من حضن بعد عنك

واتقـــــربي ودوبي

وميلي للـقرب منك

****

وكفاك يا قلبي بكى

رايـح بنا علــى فين

ارفـع اديك واشتكى 

لله رب العالــــــمين

****

بقلمي/ احمد السيد القاضي

**********

:: حبة رتوش ::

تنويه ..

لاأقصد بالزمن هنا، الزمن الذي هو بين يدي الله عز وجل ، ولكني أقصد أفعال بعض المتلونون اللذين يجيدون إرتداء الأقنعة ويشوهون وجه الزمن .. 

~~~~~~~~~~~~~~~~~~~~~~~

:: حبة رتوش ::

أنا واد أصيل

جميل ف طبعي 

مانيش فاشوش .. 

ولوني قمحي 

بدون رتوش .. 

لما المبادئ والقيم 

يصبحوا 

شعارات فاشوش .. 

يلزم يادوب

حبة رتوش .. 

عشان تعيش 

زمن الوحوش .. 

حبة رتوش .. 

بيغيروا

شكل الوشوش .. 

يعني إيه 

حبة رتوش .. ؟

يعني ضحكة

مرسومة بخجل

وفهلوة 

وحبة دجل .. 

ولسان فصيح

بيقول كلام

زي العسل .. 

هيتبعك 

من البشر

قطعان غنم .. 

بحبة رتوش 

لو انت صعلوك .. 

هيصدقوك 

ويرفعوك .. 

ولو يوم من البرد 

ارتعشت

هايجروا عليك

ويدثروك .. 

لما المبادئ والقيم

يصبحوا 

شعارات فاشوش .. 

بحبة رتوش .. 

في الزمن الغبي

هتكون ولي .. 

هتكون رسول

هتكون نبي .. 

~~~~~~~~~~~~~~~~~~~~~~~

بقلمي .. 

معوض حلمي 

منشأة بطاش 

تمي الأمديد 

دقهلية