وبتصبر .
وبتصبر علي حالي
وترحالي
وموالي
يدوب كلمتين بالعين
م انا اصلا من العاشقين
من الناسكين
صلاة الحب للغالي
في معبد الضم الكلمه
مع الكلمة
في توب فضفاض
انا ارضك
انا شطك
انا قمرك بقلب بياض
ولا ليلك يعدي سكات
ولا شهدك يفارقني
صحيح البعد تاعبني
لكني بيك بتحمل
تعب حلمي اللي قاتلني
وانا وحدي كدا مكمل
ما بين نبضك انا عايش
تخدني الخلوه في قلبك
اكون جنبك
انادي علي الحنين يتلم
ما بين كفك
فاتوضا عشان ذكرك
واطهر لو افتكرك
اعيش الكلمتين بالصبر
بحبك قولها لو بالامر
تعالي عمري يطول عمر
واحلم بالسحاب يحضر ف انفاسك
ابوس راسك
يا ليل طول علي عمري
كفاية انتظر فجري
وفجري هناك علي ساري
بيشوف بعيون صحيح خايفه
ليلمحنا عزول يحكي علي جراحنا
ويضحك لو بيفضحنا
فاسكت عن كلام الناس
واصر البسمه والاحساس
في خرج كبير
واروح ارميه في قلب الصفحه والتوهه
فيغرق بين سطور تحلم
بان الفرح ليه نعلم
واحضر شله من العفاريت
ونحكي حبه م الحواديت
علي انسان بيتصبر علي حاله
اسامه صبحي محمد
********************
********************
معنى الإيمان ::
مش مشكلة
إنك تبات الليل
جعان ...
مش مشكلة
عندك وطن
فيه السكن
فيه الأمان ...
المشكلة
إنك تعيش
وسط ناس
باعوا ضميرهم
للشيطان ...
مايعرفوش
يعني إيه
معنى الوطن
ومايعرفوش
يعني إيه
معنى الإيمان ...
~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية
*************************
*************************
جنون الحب ......2016/8/11
اسمع يا فلبي
فتحت لك طاقه
ابدء بكلمه
خليها سباقه
.
لا كسوف هيفيد
ولا قيلت لباقه
الحب الجد
عاوز خناقه
اسبق يا قلبي........
هتفضل قاعد
هنا جنبي
مستني يخبط
علي بابك
اشغل عنيه
بلون بمبي
دوبه هو
في عذابك
اسبق يا قلبي
اسبق يا قلبي
خلي الخطوه
مكانها ثابت
لا تحبس مشاعرك
اشمعنا انت
كل الدنيا
حبت وسابت
ليه متاخر
تملي في فعلك
اسبق يا قلبي............
محمد لطفي ابو الفتوح
***************************
***************************
والكل بيتكلم عنى
وانا بتكلم علكل
ولا كلمة بتفتحلى نفسي
وبقطع فى الكل
لية بقا مشغولين بحياتى
وحياتى ما تسر
وانا مشغول بكلامهم لية
وكلامهم بيغوم
دة بيكلم عن دة
ودة موش قابل دة
والكل مدايق منى
ومنفض للكل
وبيجو يحكلوا عنه
وانا بحكيلوا عنهم
وهى دايرة بتصم
لية تشغلوا بالكم بيهم
يابخت الاطرش
كل كلامكوا بقا نميمة
وبقت حاجة تقرف
اة لو بطلتوا كلام
وتنسوا اللى كان كان
وانا بسمع واضحك واستغرب
كل سكوتى كلام
اة يابخت الاطرش فى زمانكو
كل زمانكو كلام
الشاعر يسري خليفة
عنوان الموضوع: "وبتصبر اسامه صبحي محمد / معنى الإيمان معوض حلمي / جنون الحب محمد لطفي ابو الفتوح / والكل بيتكلم عنى يسري خليفة"
إرسال تعليق