الجيل الجديد
-----------
ولادى كانوا هنا
ولدين معاهم بنت
ولما شيبت انا
بعنيهم .. ماعمرى انا بنت
حتى ولاد الاخ
قالولى ما اتعلمت
سافرت رحت بعيد
ما حسوا بيا انا غيبت
ما عاتبت فيهم حد
ولا حتى قلت لحد
عايش مع نفسى
وبجهز لنفسى لحد
عتبى عليك يازمن
ما شفت فيك يوم فرح
الكل اخد التمن
وسابولى بس الجرح
جرح الزمان له دوى
جرح الضنى فيك مر
كان نفسى نبقى سوى
لقيت سنينى تمر
والمر مش طبعنا
بس الحقيقه ما تسر
واللى معاه ربنا
مايخاف هيفضل حُر
-------------
عونى_هشام
************
************
لو زاد معاك الزاد
يا حلو طب مرر
وان زاد عليك الحمل
طعمه بيمرر
---- وعجبى
عونى_هشام
**********
*********
نطق الحمار قام رفس
كل اللى يوم هانه
جاب للى ضربه مغص
ورفعله فى ودانه
==== وعجبى
عونى_هشام
عنوان الموضوع: "الجيل الجديد / لو زاد معاك الزاد / نطق الحمار للمبدع عونى_هشام"
إرسال تعليق