:: جرح القلوب :: معوض حلمي / بخاف انسى احمد جابر سويلم / كل واحد ‏جابر‬ جابر سليمان

:: جرح القلوب ::

وتسأليني 

ليه ف الشتا

بينزل مطر..؟ 

وفي الربيع 

يحلى السهر .. 

والبحر ليه 

مليان درر ..؟ 

ونسيتي قلبك

ليه غدر .. 

سافرتي ليه

من غير خبر .. 

سيبتيني 

مستني القدر .. 

شريد وساكن

ف الحفر .. 

زي الخريف 

اللي احتضر .. 

ومات معاه

لون الشجر .. 

بالمختصر 

زمنك جبر .. 

واللي ابتدى 

بكيفه وهجر .. 

باع واشترى 

قلوب البشر .. 

وخان عهود 

لاتغتفر .. 

ويجي دوره

يدور ينوح 

لما قلبه 

يزيد جروح 

ويحس مرة

بالخطر .. 

مايشتكيش 

حكم القدر ..

جرب يشوف 

جرح القلوب 

جرح القلوب 

بيسيب أثر .. 

وجرح القلوب .. بيسيب أثر .. 

~~~~~~~~~~~~~

بقلمي .. 

معوض حلمي 

منشأة بطاش 

تمي الأمديد 

دقهلية

************ 

************

بخاف انسى

كلمات الشاعر احمد جابر سويلم

بخاف انسى واتوه وياك 

واشوف قلبى ساكن جواك

تعدى بحور وقلبى معاك

و صوت كروان يعد خطاك

واشوف نجمه فى طلة بدر جيانى

اتوه وامشى واهو بنمشى

منا العاشق ومن عشقى

افوت اسمى فى عنوانى

وانا عارف قلبى جواكى

ياكلمة حب بكتبها وبقراها

ياهمس وصال فى الحانى جواها

ياصوت محتار فى مارساها

يانيل عطشان وانا العاشق وبهواها

وليلى طال فى اعماقها يمحلاها

اشوف صورتك فى طلة بدر جيانى

يفوت الليل ويسئلنى راجع تانى

اقوله ياليل نسيم الشوق فى احضانى

انا صاحى وفيك حلمى راجع تانى

يفوت يمشى والاقى الصبح بندهلى

واشوف قلبى اقوله ياصبح على مهلى

تجينى الشمس تصحينى اقوم اصحى

واشد خيطانى فى الحانى تسمعنى

تفوت تضدحك اشد رحالى وياها

وكلمة حب تجمعنا تنسينا اوجاعنا

وانادى الطير فى الحانه يسمعنا

وانا المشتاق لنور الحق يجمعنا

بخاف انسى واتوه وياك

اقول يافراق مسيرك يوم ترجعنا

**************************

******************************

كل واحد

--------

كل واحد له عيوبه

بس سلم واعترف

واللي غارق في ذنوبه

حاجه تدعو للقرف !

واللي ماشي فيها قيمة

بالوجاهة بروح سليمة

قالوا ياما وعادوا عنه

ودي طباع بن اللئيمة

واللي عايش بس ضايع

عاشها متمرمط وصايع

عندو بردوا من الوجايع

والا فاكره مختلف !

واللي فاكر انه فاهم

في الحقيقة يبقي واهم

عيشها مستغبي هتفهم

تلقي حاجه ما تتوصف

تلقي ناس غاوية النطاعة

في الكلام زي الاذاعة

كله متخفي بقناعة

والحقيقة بتتحذف

عيشها دور بن الغريب

اللي كل الناس تحبه

وتشتهيه لما يغيب

عيشها مطّمن وعارف

ان كل الخلق صنعة

ربنا المولي الحبيب

كل واحد له عيوبه

يبقي لازم نتعرف

‏جابر‬ جابر سليمان