سالني احد اصدقائي يوما عن الغربه...وكانت الاجابه
هتسألني عن الغربه متسألنيش
احساس غريب انا فيه مليش
احساس مش عايزه فيه ابدا اعيش
هتسألني وتسالني واجابه مني تتعبني فمتتعبنيش
تتغرب يعني البلد والولد تسيب
هتروح مكان عنك غريب
يمكن بعيد يمكن قريب
مكان ملكشي فيه حبيب
مكان مفيهوش حد يخاف عليك
هيمصوا دمك ياخدوا عينيك
هتعيش عبيد لقمه عيش
ماهو لازم تعيش لما في بلدك متلفيش
لما يكون ردك مفيش مفيش
لازم تعيش
هتعيش هناك وحدك تاسي
هتعيش تشوف غربه ومأسي
هتعيش الالم في السكوت
تصرخ ولا يتسمعلك صوت
هتعيش الغربه بالمرارهتعيش
هتعيش انين الالم والانكسار هتعيش
هتعيش هناك عنك بعيد
هتعيش وهما في بلدك فاكرينك سعيد
هتعيش
فاكرينك يا مسكين للفلوس بتلم
عايش سعاده وهنا بلا هم
هتعيش في غربه الانين
والثواني تفوت سنين
هتعيش
.هتعيش بتتمني الرجوع هتعيش
فقلبك الم وعينك دموع هتعيش
هتعيش وترجع بالفلوس تمام
ويعني ياجدع علصحه ضاعت مفيش كلام
هتعيش
راجع رافع راسك بالفلوس
الي بتغير ياما كتير نفوس
ترجع الكل بيهتفلك هتاف
بس يخوفي ترجع محمول علىكتاف
وتعيش في قبر بلدك اه تعيش
واه ياخوفي ياجدع تتدفن بعيد
اصل الرجوع غالي ياجدع ومفيش
هتعيش
غربه لقمه العيش
هاله شوكت
اليوم الاحد...8 8 2016
عنوان الموضوع: "هتسألني عن الغربه متسألنيش هاله شوكت"
إرسال تعليق