(قصيدة/عامية/ لو قدرت تطيق بعادي مستحيل عني تغيب)
"
(*********بقلم/أحمد عبد الرحمن صالح أحمد*********)
"
يلي ساكن بين ضلوعي .وتجافيني بالخصام ليه وياك كلمتين
"
ممكن أنسي الكون بحاله لو يضيع بنا الكلام او تغربنا السنين
..عمري ما انسي إن أنت روحي
وإنّي دايب من الغرام قبل الحنين
....ديماً أسأل قلبي عنك لما تبعد وتجافيني
"
أو يطول بنا الملام مش كفايه تغيب يومين
ليه يا روحي تسبني تايه جوه بحر ملوهش أخر طب سيبني أعيش لمين
"
.....يوم ما بلمح بس صورتك
"
...أو يجيبوا الناس في سيرتك
"
.......بفضل أسأل نفسي عنك
"
والأماني جنب مني محرومين
ليه تسبني أعيش لوحدي وأنت دايب قبل مني في الغرام والشوق سنين
"
أوعي تنسي نبض قلبي ..اللي حبك
"
أوعي تنسي ليالي حيرة كنت جنبك
"
أوعي تنسي دمعتي .ساعة ما شُفتك
"
لو نسيت ده يفكرك ...صوت الأنين
آه يا قلبي
"
قبل ما امشي ليه وياك ذكريات عاشت معايا .وانت عني هناك بعيد
"
ليه صوره كُنت فيها قاعد معايا وانت مغمض ..بين نسيم قلبي سعيد
ليه ورده صغيره في كتاب كبير .أورقها حمره
"
بين سطور نبض الغرام أورقها لبسة لون جديد
تفتكر كان ممكن أنسي اللي سابني لليالي حيرتي عايشه فيها قلبي وحيد
"
عمري ما نسيتك ثواني ...كنت ديماً في خيالي ...حتي وانت هناك بعيد
لسه روحي بتنسرق ..لما تسمع بس أسمك
"
نبض قلبي بينحرق ..لما بيجبو في سيرتك
"
دمع عيني فيك غرق لما اقول إنّي خسرتك
حبي ليك مش حب عادي
"
.........أو مجرد إعتيادي
"
حبي ليك قصة غرام ...يرتوي بيها فؤادي
آه بحبك
"
وقلبي دايب من الحنين
"
آه بحبك
"
شوف عيوني ...دبلنين
"
آه بحبك
"
وانت قاسي تغيب سنين
ليه تفكر عني تبعد ..وانت ساكن في الوتين
"
ليه تغيب من غير سبب ليه تزود في الأنين
"
تفتكر إنّي أقدر أنسي ......اللي حبيته سنين
"
لا ياقلبي مستحيل
*************
هو فى احلام كدة
هو فاضل لينا عمر لكل دة
لسا فى قلوب زى دى
ناس بتقتل ناس من غير تفكير
ناس تبيع فبعض ويتقتل فيهم الضمير
واللى بيخطى على جثث
واللى بيقطع فى بلدة بالحصص
لسا فى ناس كدة
ياللى بتقولوا الضمير معرفش اية
واللى بيدوس عزناد يقتل اخوة
واللى ناسية ربها فى غرفة ضلمة
وانتا فاكر ان بفلوسك حابس امالنا
لسا فى قلوب زى دى
اللى فاكرنها شطارة جوا حارة
اللى ناسي ربنا وعايش فى غارة
واللى قابض واللى هايص
توهنا بعنا نسينا احنا حبة تراب
والنهاية نزلة ستارة على الزمان
النهاية اخرتك متر تراب
يعنى رايح انتا ومالك واخد جاهك
فى التراب
انتا رايح فين بفعلك
لية بأيدك قاتل اهلك
واللى بنشوفة فى عراق
والسودان نقول كمان
ليبيا اهيا شوفوا مالها
وهما لية قتلو عيالها
انتو مالكو يا كدابين
لية اتبليتوا بنار وطين
كنا احنا المالكين
لية بقيتوا مملوكين
ضاعت الاحلام فى عينا
لية قتلتوا الحلم منا
هوا فى احلام كدة
هو فاضل عمر لكل دة
الشاعر بسري خليفة
**************
خاطرة بعنوان (خيوط)
*******************
خيوط فرحٍ تاهت وما من دليل
غرقت في طيات الزمن بين جيل وجيل
عرفتُ للحزن دليل
فغنيت لها كافة المواويل
ترافصت على أوتار أنغامها وأميل
لا أعرف
***********
هل هذا حزنٌ ٱم فرحٌ وجيل
غرقت فيىكلامه الجميل
فتهتُ في أطياف خيوطه للمستحيل
تناسيت كل حروف الحب وكلامه الجميل
لست أدري ما بي
*******
تائهة أنا بين إشراقة خيوط نوره وطياتُ الرحيل
بقلمي هبة زياد
**************
تايه
وعايز
موجه
ترمينى
ياحضنك
لسه
مرسايا
لا انا
موسى
والا
عيسى
والا
فرعون
انا اخر
حدود
الكون
وانا
المهزوم
انا ادم
طريد
الجنه
قام غنا
عشم
ابليس
وانا ال
كومبارس
فى ال
كواليس
وانا اللى
الضحكه
فايتانى
مع ال
كوابيس
وانا اللى
الدمعه
تغسلنى
وترمينى
مع ال
مهاويس
وانا ال
درويش
مابين
الحضره
والمولد
ولقمة
عيش
ويك
وبيش
وناس
طالعه
من القمقم
مع ال
عفاريت
وناس
عا الحيطه
ضل
وزيت
وناس
ملضومه
بجراحها
يوماتى
الحزن
يدبحها
ويرميها
حدا ال
تماسيح
صلا
وتسابيح
صلا..........وتسابيح
الشاعر.اشرف الشناوى
البرامون
**********************
(((هاعدهالك)))
المره ديا هاعدهالك
لكن ياريتك تحذرى وتخدى بالك
هاعدهالك
تملى وخدا بالك من حالك وسايقه فى دلاالك
فاكره أن مافيش ولاوحده فى جمالك
عايزه واحد يحققلك كل آمالك
من غير تعب على شان إختارك
يبقى لازم يضحى على شان جانبك
هاعدهالك
زى ماتكونى عايشه فى زمن غير زمانك
وقولتهالك خليك فاكره فهمتهالك
هاعدهالك
كنت عارف أن يوم زى دا هيجى وأقف قصادك
وساعتها مش هيبقى فى أيدى غيرأنى أردهالك
ومش هقدر ساعتها أعدهالك
بقلمي /محمودصلاح السيد11/7/2016
******************
حروف الكلام
أول حروف الكلام
نطق اللسان ياامه
و ايديا متعلَقه
بالحضن و الضمَه
و عيونى متشوَقه
لاخواتى و اللمَه
و الجرى من خطوتى
بالعزم و الهمَه
لو حضنى منَك وقع
حضن التراب حنَه
حنة ايديا الأمل
مكتوب على جبينَا
و الصبر عاللى انكتب
دا السعد جاييلنا
رب العباد ربنا
آدر يزيح عنَا
هوَا اللى خلق العباد
ووعدنا بالجنه
و النار مصير الشيطان
و اللى مالوش ذمه
بقلمى \ محمد العربى
يا صباح الخير ياللى معانا
لشعراء الحرافيش و مجلــة همسات استثنائية
الاليكترونية بقلم/أحمد عبد
الرحمن صالح أحمد / الشاعر بسري خليفة / بقلمي هبة زياد / الشاعر.اشرف الشناوى /محمودصلاح السيد / بقلمى \ محمد العربى
عنوان الموضوع: "يا صباح الخير ياللى معانا لشعراء الحرافيش و مجلــة همسات استثنائية الاليكترونية Harafish بقلم/أحمد عبد الرحمن صالح أحمد / الشاعر بسري خليفة / بقلمي هبة زياد / الشاعر.اشرف الشناوى /محمودصلاح السيد / بقلمى \ محمد العربى"
إرسال تعليق