ليل الحرافيش بقلم
معوض حلمي / مصطفى تيسير - عونى هشام / وجدي مصطفى / احمد صبرى / هاله شوكت / صالح مادو / هشام عز الدين
سميه المشتت / رحمة حسن / إسلام عامر / الشاعرة فرح مالك / عونى_هشام / حسناء آلخال
Harafish
:: سامحيني ياست الكون ::
~~~~~~~~~~~~~
سامحيني
ياست الكون ..
أنا المحقوق
أنا الغلطان
أنا التايه
ف بحر ظنون ..
أنا المعجون
بترابك ..
وراضي بعذابك
أنا المصلوب
على زنادك
ف ليل ملعون ..
وانا فلاحك
المطحون ..
برغم الفقر
والحاجة
غنايا
يلف الكون ..
وانا الغله
ف سنابل
عشقك المجنون ..
وانا الحاوي
على بابك
بانام عريان
لكن دفيان ..
مادام قلبك
وفي وحنون ..
هانام واتغطى
بعيونك
ياأحلى عيون ..
سامحيني
ياست الكون ..
سامحيني
ياست الكون ..
~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية
*************
سجال بين
عونى هشام - مصطفى تيسير
===========
------ ------مصطفى
و هز البخت غربالي
نزل حظي بكا و دموع
و قلمي إللي كان عالي
بيبدر كل يوم موضوع
خلاص مـ الحبر بقي خالي
خلاص يا دنيا مش مسموع
يا دنيا الزهر بيحابي
ما دقش مره علي بابي
تعالي و إسكني رحابي
و قولي الشعر شئ مشروع
أنا إللي قصايدي من فضه
تملي فـ إيدي تتوضى
هزيلة قصايدي صابها الجوع
يا خوفي بكره ألاقيها
قصايد ماشية فـ الممنوع
بقلم .. مصطفي تيسير
#مصطفي_تيسير
=============
------- -----عونى هشام
قصايد ماشيه ف الممنوع
وحرف كمان رماه الجوع
وانا عاصى مع قلمى
وقرارى صعب فيه رجوع
حروفى عاكسه فى التيار
وليلى شايفه زى نهار
وقلمى طويته ف الكراس
لكن حبرى كسيل انهار
حروفى كتير ماليها قرار
وعارف امتى انا باختار
عشان تيسير بيتكلم
بلاش اعند واشعلل نار
خلى البخت على حاله
مليش ف الخظ لو ماله
ومالى اعمل ايه ف بختى
اروح له يمشى على حاله
---/ وعحبى
--------
#عونى_هشام
==========+=+++
------ مصطفى تيسير
قصايد ماشية علي كيفها
و مش لاقيه إللي ينصفها
و بتدور علي رغيفها
فـ دينا تملي ماشية شمال
في دنيا بمبدأ إستغلال
ما بتشوفشي حرام و حلال
و مين فينا هيكشفها ؟
======#مصطفى_تيسير
==============
------------------- عونى هشام
حروف ترسمنا على كيفها
وناس ماشيه كده بكيفها
كله ماشى عكس عكاس
ما تعرف حق من زيفها
ناس فى يمين تروح لشمال
وناس بتغنى بالموال
ورجاله عقولها عيال
تقرف وانت بتشوفها
وبنت ماشيه ف البطال
وخلف الشات تشوف افعال
لا يوم قالت حرام وحلال
وفاكره ما حد يكشفها
وانا تايه مابين الاتنين
اشوف واسكت وقلبى حزين
بقول والدمع جوه العين
لو بايدى راح انسفها
بشوف افعال ماهيش ف الدين
تقول شياطين تقول ملاعين
ومش عارف راحين على فين
واقول يارب عدلها
واقول يارب عدلها
--------
#عونى_هشام
===============
-------------- مصطفى تيسير
بقول يا رب عدلها
و ألقي حروف و أعديلها
قصايد تبقي شئ هادف
و الاسفاف كدا فـ ديلها
زمان كان للحروف قيمة
مع الأشعار و فـ السيما
و كان للحرف بريمة
و ناس تسمع مراسيلها
أنا طالب أشوف الفن
منارة تبان معالمها
----- مصطفى تيسير
===============
--------------- عونى هشام
حروفى فين معالمها
وبيوتى فين منازلها
تعارك فيا طول يومى
ومش عارف انازلها
كأن حروفى م الماضى
بتحكمنى ومش فاضى
اشوفها ف شعر او حكمه
ارسمها وانا راضى
بروح وابعد عن الاسفاف
وعمر ف يوم ما كنت بخاف
نقدى لحاله بنعيشها
وابروزها بشكل غلاف
-------
#عونى_هشام
==============
اتا وتيسير بدون تقصير
نقول والحرف وياكم
بينا حب فيه تقدير
وعشق حروفنا لهواكم
===========
مصطفى تيسير - عونى هشام
**************
ينتصر الليل
تولي الشمس ادبارها
فرت عصافير الحي الي أعشاشها
أولاد الحي ودعوا اللعب
يسيطر العتم علي صفحه السماء
يتربع القمر علي عرشه هذا المساء
جند كبير من النجوم تتربع حول عرش القمر
لتتولى حراسته
نسائم لافندر دافئة تهب من الحقل القريب
كل شي يعمه الهدوء ما عدا صرصار الليل
ذاك اللعين يمزق ثوب الهدوء
اقف على بلور نافذتي
أراقب المشهد المهيب
وسط ضبابية من دخان سجائري
وبيدي كوب قهوه
لا أدري ...!
أول مرة أشعر ب ملائكيه الليل
وسطوته
ليل جبار اخمد سيوف الشمس في باطن الأرض
وأعلن انتصاره
جحافل النجوم تتربع أمامي في صفحة السماء
كأنها تحرس الليل من أن ينجلي
ويبقي السؤال
هل ستنتصر الشمس مرة أخري في معركة ثأر جديدة
بقلم / وجدي مصطفى
*************
فايدة حبك ايه
احمد صبري
-
اكتب اسمك يا
يا ياحبيبي
بحنيني ولهيبي
وانت ناسيني اْه
والله حبيبي
ومزود تعذيبي
-
طب فايدة حبك إيه
هو انا ناقص عذاب
تشغلني واْحبك ليه
كوياني نار الغياب
-
إيه يمنعني اْحبك
ماتيجي تحبني
تديني حتة منك
تاخدني تضمني
وكمان اْديك حنية
تعوضك إللي فات
انسى معاك القاسية
وتموت الذكريات
-
انت حبيب حياتي
ومش محتاج اقول
فلبي عليك بينادي
انا عايزك علطول
العمر هيبقى معاك
وهتبقى نور العيون
عاشقك انا بهواك
عامل كما المجنون
-
ياْكتب إسمك يا
يا ياغالي
ياساكن بخيالي
انت نبض الحياه
والله تعلالي
هتحلو الليالي
-
ماهو فايدة حبك إيه
حنن قلبك يا واد
الدنيا هتضحك ليه
وانت مقضيها عناد
احمد صبرى
*****************
امي يانبع يفيض من قلب كبير
اشتاق اليكي دوما امي فانا في حبك اسير
انا من تحملتي من اجله امي كثير الكثير
فهل تذكرين امي سهرا بجواري ليلا طويل
وهل تذكرين فرحا لفرحي وحزنا لحزن عسير
امي يا كلمه ينطقها قلبي قبل اللسان
يا كلمه تتطاير منها زهور الامل ويتناثرمنها ربيع الحنان
احبك امي يا من ملاتي قلبي بالحب المعطر بروائح الايمان
يا من علمتني كيف يكون الصبر والبعد عن الاحزان
احبك يا من علمتيني كيف تكون الصلاه وتلاوه القران
كيف لا احبك امي وانا الجزء الذي عشت بداخلك الى ان ائذن لى الرحمن
فانا من كنت ولا زلت تعطيه كل شيئ بلا حرمان
امي ايها القلب الذي اشعرنبضاته وانا في دفء الا حضان
نبضات قلبك امي تنطق اسمي تردد حبيبي في كل زمان ومكان
اسمعي اسمعي امي هذه نبضه تشتاق لي وانا بعيد
امي تلك اخري تجدد عهد الحب الجديد
اسمعي تلك نبضه تحب السعاده لي وتعشق ولدي الوحيد
اما هذه نبضه فرح لى تتراقص وكانه يوم عيد
احبك امي ساظل اردد واردد فحبك في القلب اكيد
بحب امي قصيده كتبتها اليوم...18 3 2016.....بحبك يامي واعلم اني مقصره في حقك فسامحيني فالدنيا تدور بي في دوامتها
هاله شوكت
**************
××××××× عش عصفور ×××××××
في أعلى نافذة غرفي ،عش عصافير، اسمع زقزقة العصافير،موسيقى جميلة، أستمتع بها، ومساء" اسمع اصوات اجنحتها تأوي الى عشها ،في الليل هدوء ،تنتظر صباحا جديدا جميلا لتسمعني زقزقتها الجميلة .
وفي يوما * انتظرت الصباح لتسمعني شدوها، لكن العش كان فارغا الا من بعض الريش ،
وزغب قط لئيم .
* بعد الاشارة كلمات الاستاذة مهدية اماني ....جزيل الشكر لها
صالح مادو
*****************
قوليلي
جن قلباكم
جمالآ
جال
قلبي جدال
قاتن
قواعد جنتي
قرار جني
جزاءء قبلات
جموح قلبي
قارئ
تلك المنحوتات
المهجورة بالفؤاد
متأملا معالمها
بثوان معدودة
عمرآ
متحسس
منحنيات
جسد الحرف
فقبلتهأ
ثم الحب عاد
متجانس الي
ضي عينها
متحسس بها
روح وجدانها
خاطر
لطحن لحم
الزيتون
بريق مذهبآ
وكل مر
بالوقت دهر
خذﻵ الغصن
بحلم السلام
الكلام حلم
لأرواحنا
في كل
وقت واذان
رسول مناديا
باسرار
خريف
الميناء
لها
دمعة تجلب
غمام طيرالحب
فوق سفينتها
فيأتي بها
بحر الحرف
فكان قلبي مرساها
قارئ منحوتاتها
قولي
في كلمة تيها
ودا كلام تعبت
وأنا بكتبة
بقلم ..هشام عز الدين
***************
غفرانك ربي @
ابدع ربي ما ابدع .....بما يخلق وما يصنع
سكينا كل ازواج........وفي الليل لها مهجع
فذلك زاده طولا......وذا يذهل اذا اسرع
وزحفا كان في الارض....وذا بالجوف قد يقبع
رحيما كان بالخلق....ولا من رزقه يمنع
فكم قد كنت في جهل....يمسني ضره اجزع
فربي يمنح العقل ....وقلبي لم يكن يقنع
نهاب الموت ان يدنو......على اعتابه نهلع
وننسى يومنا المحتم....بشر النفس والمرتع
الهي لا تعاقبني....ذليلا خائفا افزع
ليوم لا ارى صحبا....وخيري هاهنا يشفع
بذنب النفس قد احشر.... شفاعة يوم قد تمنع
ساتلو الليل بالخوف....اصلي بعدها اركع
سميه المشتت
*************
((((راهب الحب )))...............بقلم\رحمة حسن
________________________
جفت الدموع في قلب الصرخات
من رجل أحب أميرة القلوب حتى الممات
يتسلل اأنفاس الحب بين الضلوع
تغمر الخيال بأصداف الهوى
في قطعة من السكر اللذيذ
على فتجان من قهوة بدون روح
مطر العشق على أوراق المحبة
تبددت أحلامي اِلى أخبار
متوحشة
ماتت حبيبتك
يااالا الصاعقة
تطرحني أرضا
مغشى علية مع عيون زائغة
ماذا أفعل على شواطىء الصمت
في قلبي خنجر الفراق
تغوص في وجداني أنياب الهجر
تمزقني آربا
تشعلني جنونا
أنهارت كل هامتي
وبكيت بدموع على أميرتي
تحت أمطار الأحزان
تكشف عن حب ملك الفؤاد
يا زهور الياسمين .كانت
في خيالى تداعب
تعانق كلماتي بالحب اللامعقول
في رغبة الهرب منها عند مفترق الطرق
كانت ولا زالت في قلبي سيدة النساء
أدمنت حبها
سأظل راهب بعدها
أعتزلت نساء الأرض بفراقها
على ذكراها أبقى اِلى أخر العمر
راهب الحب
بقلم \ رحمة حسن
**************
★★★★★★★★★★ بحبك يا مجنونة اعقلى ★ إسلام عامر
بحبك يا مجنونة اعقلى
ليه غاوية عناد وتهجرى
ليه على قلبى تتقلى
اسألى قلبك حلفيه
مين اللى عايش جوة فيه
مين اللى دايما على بالك
ساكن خيالك
وفى احلامك بتشوفيه
هو دة حبيبك
اللى انتى لسة بتعشقية
بحبك يا مجنونة اعقلى
مهما كانت قسوتك بالحرمان
مهما اتحرم من عطف قلبك
مهما توجعنى الأحزان
مهما البعد بينا يطول
هافضل شاريكى
وحاسس بيكى
على طول واقول
بحبك
بحبك يا مجنونة اعقلى
طب وبعدين معاكى
اسمعى
وحشانى كتير أوى
ارجعى
ليه توهمينى انك نستينى
وهنت عليكى وبعتينى
وكل ليلة من فراقنا
تعدى عليكى
وتألم فيكى
وتتوجعى
انا مش مصدق
انك فيا بتخدعى
انا مش مصدق
انك كنتى
ناوية تودعى
بحبك
بحبك يا مجنونة
ارجعى
كلمات / إسلام السيد حسن السيد سالم عامر
أوجاع مملكة الأحزان
إسلام عامر
************
مساء الورد جوري وبيسان
ونفحٌ عبقه من
الريحان عليل
و همس النسيمات نبض سليل
هامات النصر في
حرب الحب شَهقَاء
وأنا أَسِير العشقِ مُكَبَل الإِحساس
بعشقي لك حازم
حرة العنان بلا قيود
وخَلاَجَاةُ قلمي وتكتمها دفاتري
للَّه في خلقه شؤن
وأنا مخلوق لي شؤُن
شأني من شأنك توأم الروح و الجـَسَدَانْ
ملكت القلب بحبك
بحرفك ساكن الوجدان
إليك حرفي ونبضي ياملك الإحساس
كلماتي / الشاعرة فرح مالك
**************
عجبى عليك يا زمن
الناس معاك ببلاش
الكل لابس كفن
بقماشه ما تسواش
لا حد فيك له تمن
ولا ظلم فيك اتحاش
دايما نشيل المحن
والحق لسه ما جاش
فى ناس بتسرق وطن
وغلابه تدفع كاش
وناس ماليها العفن
تهريك شتيمه ببلاش
---- وعجبى
--------
عونى_هشام
************
↩ فاتنه
مااجمل الليل حين استكان في عيونها٠٠٠٠٠٠٠
وحين مر الحزن من أمام تلك العيون فتن بها
↩فاتنه
فغمست فرشاتها بنزف قلبها كي تكمل حمرة
ثغرها٠٠٠٠٠
فسقطت قطرة ندي على خدودها فأمطرت
عيونها٠٠٠٠
↩فاتنه
فذدهرت زهور الياسمين ليفوح عطرها٠٠٠٠
وتمتمت بكلمات متقاطعة ٠٠٠٠٠٠٠٠٠٠٠٠٠٠٠٠٠
لا يفهما إلا نجوم رحلت عن سمائها٠٠٠٠٠٠٠٠
↩فاتنه
نعم قد أجادت رسم قناعها٠٠٠
وبكى الفجر حين رأى دموعها
وقال،،،،
حقاا أنت فاتنه
قلم / حسناء آلخال
عنوان الموضوع: "ليل الحرافيش بقلم معوض حلمي / مصطفى تيسير - عونى هشام / وجدي مصطفى / احمد صبرى / هاله شوكت / صالح مادو / هشام عز الدين سميه المشتت / رحمة حسن / إسلام عامر / الشاعرة فرح مالك / عونى_هشام / حسناء آلخال Harafish"
إرسال تعليق