انا يوم دخلت الادب
فكرت هبقى تمام
خساره شفت العحب
وناس ماليها مقام
تجرح ومن غير سبب
وتعلى ف الاقذام
خسارة يا اهل الادب
مش لاقى بينا إمام
----- وعجبى
-------
# عونى_هشام
**************
التفاهه
********
التفاهه جات زارتنا لحاجه
وجايبه فى ايدها السذاجه
وشرفونا فى تشطيب المعازى
وطلبوا كراسى ويا قهوه ساده
والتفاهه لبسه بدله غاليه
واخر شياكه ووجاها
والسذاجه تايهه خالص
ولابسه توب البساطه
وتتباهى بخيبه جنابه
والمدح بجاحه وعاده
والوقاحه رسوم قديمه
بس طعمها مر بذياده
بس برضوا لازم استجابه
للى مش بيعرف اى حاجه
والسوق بعيد فى اخر البلد
وبيبعوا فيه النطاعه والبواخه
وسوقها رايج والزبون بتاعها
بكرش وقرش وعايش أعاله بافتعاله
والكياسه والقياده والرياسه
سوقها نايم ومجبر يختفى بوسامه
وتاجرالسوق ده ...سؤ النهايه
و خافي الرياسه فى العمامه
لو بجد تبقى سلعه غاليه وعلامه
والوجاهه بالمناصب و بالكراسى
هيا حلم عمره الافتراضى للنهايه
واغلى حاجه عنده الاوامر والوصايه
وهيا المطلب والزبون المفتخر
اللى عطره بيطل على الغلابه
من ضلمة العقول المقفوله ببواخه
واستجابه للمغفل كله ينفذ الاشاره
وهو مفتخربالطاعه والنطاعه والبلاده
يابلاوى ليه بتضحكى على الغباوه
وليه مش بتتكسفى من نفسك يا خيبه
ان سوقك رايج فى كل كلمه بعيبه
=====================
بقلم////// محمد العليمى ///////
***********
وفي يوم إحساسك لو خانك ماتلومش عليه...
خانك من وجعه ومن ألمه ومن نار جواه...
طبطب علي نفسك وواسيها وماتقولش ده ليه...
متهزش بركان أوجاعك وتصحي الأه...
إرضي بنصيبك وبقدرك يامؤمن بالله...
قادر وحده يغير حالك ونعم ب الله...
(((.. مصطفي دسوقي ..)))
***************
شارد وسط الزحام
بقلم / الشاعر خلف محمد أبو عويضه
شردت
أنا وسط زحاما لا أعرف
من أين أتانى
أفكار
وأسرار فى عقلى وأيام
عادت لى من ثانى
وتذكرت
هموما وأحزان كنت أظن
إنها قد رحلت من أيامى
وأيام
بكيت على فراقها وليالى
أصبحت فيها أعانى
وسنين
من عمرى عشقت ذكرها
وأحلام ليس لها معانى
وبيوت
بنيت على أساسها من
غير أن يكون لها أماني
وخيالات
من وحى الماضى ودموع
تسكن فى وجدانى
ونجوم
صرت أكملها وقد أصبح
للقصص معانى
وتزاحمت
بى الدينا بأفكار وأحلام
وأغاني
وتذكرت
وأنا فى كل هذا الزحام
أن لى رب يغفر ولا يبالى
...................بقلمي انا / خلف محمد. ...................19/7/2016
****************
صبح ياااعم صبح يااخال
ع اللي ماشي
واللي قاعد
ع اللي صابر
ع اللي باعد
ع اللي راجع بذكرياتة
يصرخ ويقول اهاته
صبح ياعم صبح ياخال
ع الأماكن اللي كانت
في يوم تجمعنا
ع ذكريات اوجاعنا
ع اللي رايح واللي لسة هيروح
علي وجع جوانا ومش قادرين تبوح
صبح ياعم صبح ياخال.
علي وجع بقا مقيم جوانا
سهران ومقضي ايامة معانا
ع اللي حب ومش طال حبيبة
والجرح والهم كانو من نصيبة
صبح ياعم صبح ياخال.
ع اللي عايش رغم الجراح
واللي بيحلم ان قلبة
لساتو مليان براح
ع اللي عايش رغم الألم جواة
وبيحلم بالفرح ف يوم يلقاة
صبح ياعم صبح ياخال
ع اللي قلبة اتوجع
ومن الهم أكل وشبع
ع اللي روحة كل يوم بتروح منة
عشان حب ولحبيبة كان مآمنلة
ع اللي كل يوم ينكسر جواة إحساس
ع اللي عايش برغم حبة اللي انداس
صبح ياعم . صبح ياخال.
بقلمي /
خالد المصرى
عنوان الموضوع: "انا يوم عونى_هشام // التفاهه محمد العليمى // وفي يوم مصطفي دسوقي // شارد خلف محمد // صبح خالد المصرى Harafish"
إرسال تعليق