(قصيدة/عامية/ يوم لقائنا يوم ميلادي)
(*بقلم/أحمد عبد الرحمن صالح أحمد)
كان يوم غريب يوم ما اتقابلنا ..ودخلتي صدفه في حياتي
فاكر ساعتها كلمة قالتها ........وكإني بكتب ذكرياتي
ولقتني فَجْأةً واقف مكاني ...وحلمت إني تكون مراتي
والكون يدور حوليه يجري .وفضلت تايه في سوكاني
وعيوني سارحه في جمالها ...وفضلت عايش اُمسياتي
شكلي عشقت...
ولقتني هايم في الغرام ....بكتب قصايد عل الورق ....من غير كلام
كلمة بحبّك لما قالتها....كأني قلبي بيتولد ....وفي لحظة دوبني الهيام
دمعي سبقني .وداب في قُربك .والشوق غلبني .ولقيتني دايب بالغرام
شفت جو عينيك بسمة .فيها رعد ونار ونسمه .سحر أقوي من الغرام
لما شوقي جبني قُربك ..والتقي قلبي بحضنك .عشت في وطن السلام
شكلي دوبت
بين سُهادي ..بين شجوني ..نبض قلبي بينحرق
لما اسيبك لو لثانية ....روحي مني بتنسرق
لو تروحي دنيا تانيه ..قلبي عمره ما يفترق
لو حياتي تهون عليه ......أبقي أفكر أفترق
دأنت عندي دنيا غاليه ......قلبي في هواك غرق
..شكلي دايب في الغرام
...والحنان والشوق هيام
شكلي دوبت ..لأ عشقت
........والبعاد أكبر حرام
بعشقك ...
يلا خودني لدنيا تانيه .دنيا يملاها الحنين
يلا نسيني التعاسة غيرك أنت أروح لمين
يلا نهرب من جرحنا ..جو نبض العاشقين
يلا ننسي كل لحظة ....كُنا فيها محرومين
خُدني وياك للسعادة ...في زمان المغرمين
بعشقك ...
يلي قلبي ساب ضلوعي وعاش في قلبك يسكُنك
يلي روحي عني غايبة ..ونار فرقها بيإلمك
يلي سابتني الاماني .....وهي رايحه تكلمك
يلي شوقي ليك وخدني .....والدموع بتسلّمك
لسه قلبي بيجافيني .....عمر قلبي ما يظلمك
بعشقك ...
**************
أيوه عادي مكملين
بس يمكن موتنا
قرب قالو نتغرب
سنين قولت ماشي
طب نجرب عدي
عمري وكان حزين
لما حلمي مني يهرب
أيمتي قلبك يوم يلين
يابلد وتقولي أشرب
دوق كده طعم الحنين
دا انت فعلا حاله تصعب
بقلم / احمد عبد القادر
*****************
المشاعر
المشاعر كلمة حلوة كلة بيكتب عنها
كلمة من كام حرف صعب تعرف وصفها
المشاعر
موش كلام فى الحب بس
موش الام وجراح وهمس
المشاعر
كل حاجة ممكن تتحس
يعنى موش كلمتين وبس
المشاعر
غنوة ممكن توصلك
ضحكة حلوة تنورك
المشاعر
كلمة حلوة توصلك
نظرة من عين تبسطك
المشاعر
خوف على حد تانى
او زيارة لحد غالى
المشاعر
احساس تحس بية
ولا حضن تترمى فية
المشاعر
حضن ام ونبض اب
او كلمتين تغم
المشاعر
هيا اللى بتفرق ما بينا
اللى قلبو احساسة جنة
المشاعر
شىء جميل زى رد يوم جميل
زى شم ورد ونسيم عليل
مهما اقول واوصف كمان
المشاعر
موش بالكلام تبان
المشاعر
الشاعر يسرى خليفة
****************
صباح العشق بقلم شعراء الحرافيش (*بقلم/أحمد عبد الرحمن صالح أحمد) / الشاعر يسرى خليفة
عنوان الموضوع: "صباح العشق بقلم شعراء الحرافيش (*بقلم/أحمد عبد الرحمن صالح أحمد) / الشاعر يسرى خليفة Harafish"
إرسال تعليق