إياك محمد رمضان // : صحيت معوض حلمي // عجبى محمد العربى // هل احمد سعد // دنيا عوني هشام Harafish

** - إياك - **

لو كنت عايز 

تصاحب ...

دَوَرْ ع الأصيل

ولاقيه .

إن جار عليك 

الزمن ...

يا صاحبي راح 

تلاقيه .

و إياك تصاحب 

خسيس ...

د ... مهما تعمل 

لِيه ...

ساعة الشدايد 

تلاقي ...

أصله يُرد 

عليه 

........ عجبي

بقلبي و قلمي في 28 / 6 / 2016

الشاعر / محمد رمضان

*********** 

: صحيت على صوت الديك ::

خير اللهم اجعله خير 

جاتني ف أحلامي

عل هيئة طير .. 

وقفت على شباكي 

قالتلي مساء الخير ..

أطلب شبيك لبيك 

طلبك ياحبيبي 

ف غمضة عين

بيكون ف إيديك ..

من غير تفكير 

قولتلها 

وبلغة الطير .. 

خليني أكون

ف سماكي أمير 

اسهر واحميكي ..

وهاكتب عنكي 

كلام أساطير 

وحكاوي كتير 

سحراني عنيكي ..

وعليكي باغير 

من نسمة تطير .. 

وأطير حواليكي 

زي الطير .. 

دانا حبيتك 

حب خطير ..

واستنيتها 

بس تقول 

شبيك لبيك 

خليتك في 

سمايا أمير ..

وصحيت على 

صوت الديك

ضاع الحلم 

ف ثانية

وطار الطير 

ولقيني 

بردد كالعادة

خير اللهم 

اجعله خير .. 

خير اللهم اجعله خير ..

~~~~~~~~~~~~~

بقلمي .. 

معوض حلمي 

منشأة بطاش 

تمي الأمديد 

دقهلية

************ 

عجبى 

عجبى عليك يا زمن 

بتعيَب الطيب 

واللى غرق فى الحرام 

واللى سرق طيب 

فيه ناس تقول ع الخسيس 

راجل صحيح طيب 

وتقولل لابن الآصول 

مش عيب عليك طيب 

اوعاك تصاحب خسيس 

متربى ع ال قلَه 

بيجيب فى سيرة الناس 

ولسانه فر قلَه 

دالرزق لو بالحلال 

مبروك ياناس و الله 

ازاى هتاكل حرام 

و تسمى بسم لله 

بقلمى \ محمد العربى

********** 

هل حاولت أن تتعرى من جميع الاقنعه

تصرخ عال كالمجنون

تركض مثل الخيل المسرعه

هل حولت أن تعشق حتى الموت

أن تتكلم حتى حدود الصمت

هل حولت أن تسافر بعيدا بلا هدى

أن ترحل ترحل الى أقصى مدى

هل حولت أن تمزق عباءه التكرار

أن تترك حلمك حرا دون حصار

الشاعر احمد سعد

******** 

دنيا يا بنتى دواره

دا ف جامع

وواحد تانى خماره

ناس بتعزى ميتم ناس

وناس فرحانه ف الحاره

معدش ضمير ولا اخلاق

وكله كله جاى بعراك

زمه تشوفها بالاستك

وشوش تملكها بسجاره

ودنيا يا بنتى دواره

---- وعجبى

بقلم / عوني هشام