وآدى يوم كمان جاى بحاجات
واقف على بابى ف سكات
هو انت جاى عشان أعيشك
مش لما أعيش قبلا اللى فات
بقلم / مصطفى سالم
*****************
رباعيات الأحزان (( من غير مبرر ))
( للحزن في قلبي مكان )
من غير مبرر .... ولا تفسير
حبك في قلبي .... يامصر كبير
لو حتي كان الحمل ثقيل
معاكي هم الدنيا هشيل
من غير تردد .... ولا تفكير
اصلي في هواكي .... يا مصر اسير
كلمات الصدق
فارس الليل الحزين
محمد عطيه محمد
************
عالوصفه؟
.بالجمال آيه
وتقاطيعها؟ حلوة الحلوين
عالخطوة؟
تتحكى حكاية
وكام خصلة ع الجبين طايرين
..
حبوهااا
الطير كمان طواف
يبوسوها كل يوم بوستين
لمحوهااا
العود كما الصفصاف
والصَفّ اللولى "خطف العين "
عالبسمة؟!
بتنهى أى خلاف
وكلامها الشعر ع الموازين
غنوهااا
الكل كان فرحان
سألوهاا . الحلوه طالعة لمين ؟!
كسفوهاا .
الوش بان ألواااان .
والغمزه زّيّنت خدين
بقلم بهاء اللبودى
******************
عنوان الموضوع: "وآدى مصطفى سالم / / من غير مبرر محمد عطيه محمد // عالوصفه؟ بقلم بهاء اللبودى Harafish"
إرسال تعليق