وديما فيها ومضة نور
وطعم المر مسيرة يزول
بتحلا الدنيا باحببنا
بننسي معاهم احزنا
وموش ديما نلاقيها
واقفة مسدودة خطاوينا
اكيد فى العتمة طاقة نور
نلاقى للغريق منقذ فى البحور
تعالوا عدوا احزانكم
وعدو كمان افراحكم
اكيد هتلاقوا مكسبكم
دى لحظة فرح تنسي الكون
وضحكة تمسح لينا دمع عيون
وموش ديما علينا الحزن
ولا افرحنا حتى تدوم
الشاعر يسري خليفة
***************
حلم الميدان
فلبداية كان سكوت
وافتكرنا ان بعد الضلمة نور
وان سكاتنا بحة صوت
وابتدا يعلى الهدير
وانفتح فى الطاقة سور
واتشبكت معاها الايدين
وبقينا فرد واحد بس جسور
كنت فاكر ان سكتنا جبن
احنا اخرة السكوت صوت
اوعى تفتكر القيامة ليها صوت
ولا تفتكر ثورة البركان قبليها صوت
ولا حتى فى اذن قبل الموت
احنا بس بندى مهلة
لسا ليك معانا وهلة
كلو بمعادو و وقتة
لسا وقتك لسا مجاش
خد من الماضى عبرة
واشترى نفسك فى بكرة
ابعد من اللى ساحرلك
واللى بكلاموا واخدك
واللى مجمد حتى قلبك
اوعا يقولك قبضة حديد
وانهم بيمشوا بكرابيج
دول بيضحكوا عليك
واول اللى هبيعوا فيك
احنا يابنى شعب جامد
شعب طول عمرة صامد
وان كنت فاكر انك فاهم
روح افتح كتاب التاريخ
شوف زيك انتا كام
دة لو وصلت انتا لجبابرة زمان
وشوف بقا الشعب دة
احنا واخدين على الصبر
عارفين ان بعد العسر يسر
وان لو طال الامد والطريق
ان بعد الضلمة عتمة وبعد العتمة نور
شعب فاهم مين معاة ومين علية
شعب لو داقت عليك وعلية
يفيديك بعينة ياكل عدوينة
ولو حبيت فى يوم تلعب علية
ياخدك البحر يتاويك ويرجعك ماتعرف اية
واللى فاكر انة قادر وان معاة كل فاجر
يبقا دة اللى امة داعية علية
دى الرسالة اهى هوا وقتك لسا مجاش
اشتغل انتا بجد شيل من الفاسدين وسد
وابنى بيت وهد سور اللى عامليينة عليك
افتح الشبابيك دخل النور لعنيك
واكسب الناس الغلابة وابعد عن البطانة الديابة
ربنا يقويك علينا لو معانا ولو علينا ربنا
يقوينا عليك
فرصتك وختها اعرف ان فى مليون عيزها
واعرف اننا قلعنا واحد بدلة ورجعنا
لبسنها ليك
الشاعر يسري خليفة
*************
عايشين بنحب ونكرة
نصدق وبنكدب نجرح ونخون
والوش بيتلون 100 وش ولون
الاب تايه فى ملكوت ولام قافلة البيبان
وعيال فى الدنيا عايشة رايح منهم الامان
عايشين
متقولش الغلط فين ومين ظلم مين
فى الشوارع والحارات والبيوت
انزل اتفرج وقول زى ما تقول
اللى بيبيع الضمير
واللى تاة وبقا غريب
واللى نفسة ف الحرام
واللى عمرة كلو نام
واللى فرحان بالفلوس
واللى ماتت ف عينو النفوس
واللى ماشية بطول وعرض
حتى موش هممها العرض
واللى ليلوا بقا نهارة
واللى نسى ربة ودارة
عايشين
كلو بيقول يانفسى
ناسى هوا كان اية
واللى موش دارى بحالة
باع ضميرة بقا فين
الشاعر يسرى خليفة
**************
انت هو تاجي
زينتي
وكحلتي
وكل جمالي
قوتك تمتلكني
فلا اخشى
الخوف وانت معي
ولا الرعب
وانت بيننا
تسافر بي
الى الوجود
فازهو بصباي
بين يديك
كل يوم عروس
امتلك كل
الاشياء بزهوك
مليكي وحبيبي
وعزي انت
تسهر لانام
تشقى ليكون
لنا بيت
توصل الليل بالنهار
تكد وتتعب لنرتاح
لتنام مواليدنا دافئة
دون حرمان
يطرق بطونها
لا تهاب الشقاء
لاجلهم نضحي
نزرع فياكلون
بيتنا ...........
من جنان الملكوت
يملاءه الحنان
مهاب بقوتك وحذرك
لا يقتحمه الجبناء
جنانه فرودس كوني
بهمتك اكتمل واعتمر
وبوجودك الحامي بيننا
لا نخشى الجوع
ولا البرد
ولا حاجات الزمان
مليئة جعبك بصيدك
تنتهر المتطفلين عنا
ولا تسمح
بدوس حرماتنا
بهية طلتك كالبدر
علينا باخر اليوم
كشمس الضحى
تنيرنا ببهائك
وتبدد كل ظلمة
تحيطنا بالعتمات
ابنائك كالشموع
حولك يتنسمون
انفاسك بالبيت
يتلذذون من
كل شيء ودفئه
روحك تجمل البيت
اسمك حبيبنا
ولا اجمل منه
عنوان بيتنا الحبيب
انت بكل
الحروف الابجدية
واشعارها
وقصائدها
بمملكة المحبة تسكننا
فافرد جناحيك
علينا لضمنا حبيبي
واعبر بنا البر كل حين بامان
الشاعر
عيسى حداد
رحلة العمر
*************
وطاحت رياح الامانى بهوايا
وشفتك نهارى وانت مسايا
لسانى ماينطق بغيرك حكايه
وكنت العليله وقربك دوايا
صبيه وعشقت وفرحت ودابت
وغنوه بلحنك ك شمس وماغابت
ولما جرحت وفارقت ونسيتها
رجعت وطلبت السماح وياريتها
ماحنت ورقت دى كانت جنايه
بعدت وهتبعد وتوعد بفرح
وترجع بتبكى وتطلب رضايا
وعمال بتكدب وتبنى ف صرح
وذبنى ف قلبى اللى شافك ك غايه
لكنك اذتنى بكدبك وزيفك
ولا عايزه ذكرى ولا حتى طيفك
روح اهجر طريقى دا حبك غوايه
شيطانك حقيقى حرام وكفايه
ماطاحت رياح الامانى بهوايا
"كفايه "
بقلمى :فاطمه يوسف
************
يا كل ميت جوانا عاش
وبكره فينا ولسه مجاش
لمعت عنينا م الفراق
دموع والناس فاكرينها ضى
عنوان الموضوع: "مساء اليوم الثاني من مسابقة هو وهي Harafish"
إرسال تعليق