الشجــرة الطيبــة .....
إن كَبَــر إبنـــك خاويـــه و جالســـه ...
و عـن مفهــوم الرجــال لاغيـــه و حـدّثـــه ...
فـ نصيحــة الأب تُصفّــى النفــس و تنمــى حِسّـــه ...
كـ شجــرة تشــتد عـودهــا بيـن الخضـــار فـوق اليابســـة ...
شامخــة أغصانهــا جذورهــا ثابتــة و ربــك هــو حـارســـه ...
ــــــــــــــــــ من وحــى الصـــورة ــــــــــــــــــــ
بقلم .. محمد مدحت عبد الرؤف
***********
كان حلم مشترك بيننا
هناك على البحر نلتقي
فكان اللقاء....
لكن آخر يوم تواجدي
التقينا ولم تكن من الكلمات حضور...
كانت الدموع من كلنا تنهمر
كأننا على الفراق التقينا
كل منا وضع عند البحر سره
لعل البحر يجمعنا
اكيييييييييييد غدا البحر يجمعنا
كمال الونداوي
**************
قرأت لك : إزاى..؟ إمتى..؟ ليه..؟
جرى لنا إيه يا حبيبي و إيه حكايتنا
فين الاشتياق و الحنين و الميل...و لهفتنا
ما لنا ف عز اللقا بنشعر بوحدتنا
و نتوه فى سكتنا فين الشعور بالهنا
طول ما حنا مع بعضنا و لا حد بيقول لوحده فى محبتنا
كنا زى الحبايب و القلب فى القلب دايب
بنحس بالقرب مهما يكون حبيب منا غايب
دلوقتى و احنا سوا فى الوقت نفسه بعاد
راح فين زمان الهوى و فين حنان الوداد
فين نارنا او شعورنا لبعض يا حبيبى
فين ابتسامتنا و كلامنا بصدق يا حبيبى
و فين هيامنا و غرامنا دا كله يا حبيبى
فين احنا حتى و فين ايامنا يا حبيبى
جرى لنا ايه .. قولى انت ايه جرى لنا ايه
معقول دا كله انطوى ازاى و امتى و ليه؟
........................
صعبان عليَّ الهوى و انت و انا و قربنا
صعبان عليَّ الأمل اللى ملا حبنا
صعبان عليَّ الفرح و ذكريات المرح
و كل ضحكه ضحكناها بقلوب صافيه
و كل غنوة سمعناها بأحاسيس دافيه
وكل كلمه قلناها لبعض برقه
حتى لو كان معناها بيقول لاه
دلوقتى و احنا سوا فى الوقت نفسه بعاد
راح فين زمان الهوى و فين حنان الوداد
جرى لنا ايه قولى انت انت جرى لنا ايه
معقول دا كله انطوى ازاى و امتى و ليه
**************************
أيام ما كنا بنتجاوب مع بعضنا
و الحب كان منا بياخد و يدينا
و كنا دنيا لوحدينا سكتنا ليه كده وهدينا
ما بقاش ما بينا فى وحدتنا و لا حتى ملام
و احنا اللى كان قبله سكوتنا احساس بكلام
و كنا على قد ما نبعد ارواحنا بتقرب بينا
و لا بعد بياثر فينا دلوقتى..... و احنا سوا
فى الوقت نفسه بعاد راح فين زمان الهوى
و فين حنان الوداد جرى لنا ايه قولى انت ايه جرى لنا ايه
معقول دا كله انطوى ازاى و امتى و ليه
بقلم / محمد حجاج
************
عنوان الموضوع: "الشجــرة الطيبــة محمد مدحت عبد الرؤف // حلم كمال الونداوي // قرأت لك محمد حجاج Harafish"
إرسال تعليق