شقى المكتوب
=======
لا قدرت ابعد يوم
ولا عن هواك بتوب
اطوى صفحات الغرام
يجينى ميت مكتوب
مشغول الفكر بيك
وبحلمى اشوف المحبوب
لا رحيلى معناة وداع
مهما سرت اجوب
ليالى طوال انا
شمسى قفلت غروب
جرعت الصبر مرار
يزدنى من المشروب
لو اعرف بس انا
اية للهوى مطلوب
اقول الاة من شوقى
واهاتى بصدى مشجوب
مسكت لقلبى العصا
ليترك دا محبوب
رد ما بيدى
****************
جرعة ظماء
=======
تروينى اشرب انا العطشان
تملى الكفوف زيدى الظمأن
لا يرتوى فؤاد طامرة
ونارى ما خافت جمرة
حسبت انى شارب خمرة
عاشق وسلم لك امرة
اتارى بجرع الحرمان
والاة فى نجواة ادمان
كان كل دة فاكر انة
بيحن على مداوينى
كل جراحى دى منة
يصبنى ويجيى يعزينى
لا بعد اكون ناسى
ولا قرب لنبض احساسى
يسبنى لسهاد ولليل
الصبح يجينى مواسى
كل حيلة لم ادع
حتى وشوشت الودع
اغالب شوقة يصارعنى
يمضى هواة لا يرتجع
قلبى غمد نظراتة
يحب يسمع اهاتة
القط انفاسى يباغتنى
بضحكة تسعد اوقاتة
وتروينى تانى جرعة
تكون اولها حياة
اظن شمسى طالعة
تغيب ظلمة سماة
بقلم الشاعر / حاتم صلاح انور
******************
بقلم الشاعر / حاتم صلاح انور
انا المسحور
**********
مشاعر حقيقية العشق فحواها
اسيبها مدارية احاول انساها
فى القلب الغرام نبرة
روى بذور هيام صابرة
كسير وجد من جابرة
ولا يكون هواك قبرة
عتيم ليللى طيفك نور
سجين بهذى انا المسحور
اتوة عن دارى بين الدور
كأنى طوف وحيد ببحور
يا غايبة قولى لى
اية منى باقى لى
خدتى معاك راحة البال
وسهرك حل خليلى
رمانى قدرى بعيونك
حجبك عنى ما انولك
دورت فى سنين العمر
لقيتها ضايعة فى فصولك
غاب عنى ربيع و زمان
سلمتنى الحيرة للحرمان
عزفت على الناى لحنى
كانت لحونى كلها اشجان
اتلقى عبيرك فى النسمة
اشوفك على القمر رسمة
تجينى فى نومى بالبسمة
معاندنى نصيبى والقسمة
كل دة واعيش بخيال
واجوب الدروب رحال
لا يهدى بال مشغول
مرددة روحى سوال
لا كان واقع ولا مكتوب
حبك من الهوى مشطوب
اسطرة على جبينى
غيرك مالى محبوب
بقلم الشاعر / حاتم صلاح انور
********************
سواقى العشق
********
سواقى العشق هنا دايرة
حاملة غرامك من نبعة
وقلبى داب من النجوى
فى الهوى دة طابعة
يكتب فصول لكن حايرة
يندة حبيب ولا سامعة
لية على انا جايرة
امر جفاك مش طايعة
ياندى الازهار على جبينة
خجلان الزهر من دمعة
يقص علية شجى حبى
يدبل الزهر بيمينة
واحتار مع ضنى قلبى
اختار عزابى فى معينة
اسكن اركن هنا
احلم معاة بالهنا
واتصبر كدة بالاحلام
واستنى مع الايام
يمكن يسمع عن حبى
او يوم ترانى عينة
وادور فى رحى دوار
لا انام لليل ولا راحة نهار
وسواقى عشقى لية دايرة
حاملة لة حب وصبرى مرار
بقلم / الشاعر / حاتم صلاح انور
******************************
بقلم الشاعر / حاتم صلاح انور
حاجات باقية
**********
هنا باقية حاجة ليكى
وقلب كان يفديكى
هنا كان كل لقانا
تلمس ايدى ايديكى
تشجى الروح بهجرانك
يعانى الوجد نيرانك
لكن لسة بلاقيكى
فايتة هنا حاجة ليكى
تمر على الذكرى تألمنى
من غدرك زمانى علمنى
ولا قادر اكون كارهك
واغير زمان دهرك
تلومنى الروح على حالى
تسأل نفسى انا مالى
تفوت ساعة اعمل ناسى
تفكرنى كل حواسى
اخترتى تكونى بعيد
تخلفى كل المواعيد
وان تعودى من تانى
عنك نفسى منعانى
حبك موجود لكنة كسير
وان كنت فى هواك اسير
لا تعودى من تانى
عنك نفسى منعانى
بقلم الشاعر / حاتم صلاح انور
*********************
ونتجــرد
********
ونتجرد من مبادئنا واحلامنا
نتشرد وبكرة جاى فى منامنا
يهاجمنا يكلمنا لية قتلنا طموحة
لية زاد بينا انكسارة وجروحة
يبكتنا يأتتناجاى ناعى روحة
يا بكرة كنت حلم جميل وفى صحوى
كتبت فيك الشعر عامى ونحوى
لكن دماك مسفوحة مالك دية
احلامى فيك مدبوحة و مردية
رغم انى بعيش ليكى
وليكى كانت احلامى وردية
سامحينى اوعى فى يوم تلومينى
روحى فى نوحى لنفسى عزينى
دة بكرة فيكى بيجينى مسخ كرية
ادور بين ساعاتة كل ما الاقية
وجة حزين على غالى
نبر انين صارخ عالى
وفيكى لسة ترحالى
شادد قابض على حبك
وان طردونى من دربك
بتجرد من اى ضنين
حاملنى ليك كل حنين
وبتجرد بتجرد
من احضانك
من طرح زهر دابل
فى احزان بستانك
يقلم الشاعر / حاتم صلاح انور
**********************
بقلم / حاتم صلاح انور
لن ارحل
*********
موجات تسترسل مودتى رهفا
مصفوفة احلامى تصاحب اشواقى
ما سبيلى لابدى محبوبتى امرا
أقص احرف عشقى بقرطاسى واوراقى
ان تستشعرى حرارة وجدى
ويمسك من بعض حراقى
اوزيلى عنى ذاك الحب
املى على صك عتاقى
فلا ذهبت حينها عنك
قد دينت لك اعتناقى
لا ارجو دونك اى حياة
غايتى للحظة منك عناقى
بحر حبك متلاطمة امواجة
احيينى او بيديك اغراقى
فلا عشق يرضى روحى
او غيرك ترى احداقى
انا كم مهمل فى عبثك
ظمأن قد نسى الساقى
قطرات عشق بين يديك
ورحيق شفاة دوائى ترياقى
مرى بدربى مرور كرام
جزعت من الهجر نطاقى
عبر الرياح ارسل منجاة
لن ارحل عنك باقى
ما بين ثنايا الوجد الاة
ملتاعة وتزيد الوع حراقى
بقلم / حاتم صلاح انور
*************************
بقلم الشاعر / حاتم صلاح انور
عـــدى
=====
عدى معايا امسكى ايدى نهج حروفك نبض وريدى
عدى معايا نوصل لبكرة وانتى معايا يوم عيدى
النظرة من عيونك الساحرة تصرخ اشواقى المنتحرة
اية اجمل فى الكون كلة اقضى العمر معاكى فى رحلة
بس من الخوف صارخة حواسى
ان اغفل عنك لحظة ناسى
دقات قلبى تزلزل روحى
اتنهد متقطعة انفاسى
حا كيت مع قلبى حكايتك
عاشقة عيونى انا حبيتك
ياعمر ربيع غرامى
يا زهرة بمشاعرى رويتك
عدى معايا اية نستنى
ايوة انا منك انتى منى
كل لحظة ضاعت قبلك
افتكرها روحى تألمنى
عاشق البسمة وخفة دمك
لما اغمض عينى اضمك
تنسجى صورتك بخيالى
وتلاقينى حكاية بحلمك
اجمل احساس جواية
لو تعكس حواسى مراية
تشوفى رسمك منفوش فيها
واسمك انشادى وكل غناية
بقلم الشاعر / حاتم صلاح انور
قلم الشاعر / حاتم صلاح انور
احاسيس
*******
جواية مكبوتة احاسيس
انينك ضجيج يا مشاعر
قربت قربى صريح
طويتة بروحى ضامر
مشغو ل تملى بيك
همسة فكرة وخاطر
سجين وجد ى لشوق
رهانى عشق خاسر
يغمرنى جمبك سكون
اغيب معاك وحاضر
تغفى الليل سباتك
للسهد جفنى انا ساهر
مكبوتة احاسيس .....متأزمة مشاعر
هواكى صقيع بالقلب
نقشك علية ظاهر
اكبح جماح الوجد
لعصيانى يبدى بوادر
لا تردة نواهى
او تردعة اوامر
ناديت على فجرى
زادنى الليل ستاير
مكبوتة احاسيس متأزمة مشاعر
مشيت فى هواك
اتحملت فية مخاطر
سعيت احقق رجاك
بكب شيئ مغامر
مليت روحى بيك
بغيرى قلبك عامر
مكبوتة الاحاسيس
متأزمة المشاعر
بقلم الشاعر / حاتم صلاح انور
********************
بقلم الشاعر/ حاتم صلاح انور
مترجعيش
======
عايزة تبعدى ابعدى من عيونى متهربيش
لية كنتى بتوعدى بشيئ علية متقدريش
عيشى عالم تانى غادرى حدودى وزمانى
بس غير احضانى ما تلقى
حتى لو تعملى نسيانى
تفتكرى فى اية هاتكون فارقة
لما تروحى للبعد مغادرة مفارقة
حتى شمس الكون بعنيكى
هتغرب وهى لسة شارقة
أية تستنى ابدأى سيرك
حددى اختارى انتى مصيرك
كل حاجة كانت عندك
هاتكون لى من غيرك
اوعى تظنى انى هاتحطم
اكون بعدك بهذى مهدم
الى يبعنى بردو ابيعة
لحظة واحدة علية ما اندم
اخرجى من احساسى الدافى
ثوانى هاكون منك شافى
بكرة هاعيشة بكل جوارحى
انتى بعدى من بكرة خافى
هاخسر اية لما تروحى
ولا مفكرة فتحتى جروحى
لا غلطانة انا من جواية
رفضاك حواسى كرهاك روحى
يالى انتى اخترتى فراقى
مشطوب اسمك من اوراقى
حتى الذكرى ما هخليها
راحت مع دفى اشواقى
بس بقولك وتكونى عارفة
اوعى تعودى تقولى لهفة
ما عاد بينى وبينك
مشاعرى خلاص مختلفة
هاتبعدى ابعدى ماتعوديش
النهاية اكتبى حبك مافيش
بقلم الشاعر / حاتم صلاح انور
********************
لن ترجعى
********
لن تعودى الى
حبيبة لن ترجعى
نحيتى عن عرش
كنت فية تتربعى
كم من سنين ارقتنى
ضقت زرعا بمواجعى
كم ارهقت خفاق
تألم بين اضلعى
ضربت مجدافى بعيد
شددت للرحيل اشرعى
لن التفت اليكى ولن
اعود او ترجعى
برأسى صخبك تهددين
بالهجر ان تشرعى
قهرنى عشقى حين
اصغيت لك مسامعى
كنتى تمرحين
بأنينى تستمتعى
توارى اليوم لن اضيئ لكى اشمعى
نطاق وجودى لا تقبلى لن ترجعى
شفقة عليكى لن تجدى لن تنزعى
قد مات حنينى لكى فلا تركعى
بالذكريات لا تستجدى لا تضرعى
حتف انفها الاشواق منتحرة فأسمعى
لن تعودى الى حبيبة لن ترجعى
بقلم / حاتم صلاح انور
******************
بقلم / حاتم صلاح انور
رغم الجمود
**********
حط الجمود بنفس المكان
رغم انة خالى من الشعور
كان بأمس قريب غامر حنان
وعلية الزمان بيدور ويدور
كان هنا مصفوفة احلام اليقين
وهنا غرسنا بأدينا البذور
نبتها طرح الضنين
مزهرة غياب الحضور
ماعادش روح ولا غياب الحنين
غريبة حتى المسالك والثغور
كانت خطاوى تلاحق ظليل
وقمر يونس قلب لليل
ونفوس مشحونة هوى
وزهور للنسيم تميل
لكن ما شيئ من دة يعود
اتبدل كل شيئ سكون جمود
ورغم الاسى والانكسار
لسة بردو بعود
افتكر لحظة جميلة
حلمت بيها كل لليلة
افتكر كل ما فات
رغم انة لن يعود
ولاعاد لة اى وجود
لكن روحى متعلقة
هايمة لسة محلقة
عابرة حدود رغم الجمود
بقلم / حاتم صلاح انور
******************
غصب عنى
*********
لا عرفت اخبى حنين
ولا عرفت ادارى هوى
كنت فاكر من سنين
ان احنا هانكون سوى
اتارى القدر لينا
كان لة كلام تانى
استكتر الحب علينا
خطف احلامنا وامانى
وهفضل اقول حبيبتى حبيبتى
دايما على طول حبيبتى حبيبتى
هاعاند القدر لو حتى
تمر بية السنين
وافضل احبك لو انت
تكون لحنى الحزين
وامسح دمعة غصب عنى
نزلت خارجة غصب عنى
واتبسم ليكى وانا الزمان ظالمنى
تفضل عيونك سكن تفضل تمنى
لا يكون غيرك جواية
حتى لو كنتى قساية
لانى غضب عنى
بحبك غصب عنى
بقلم / حاتم صلاح
*********************
عاصف
*******
متغربة الروح فينا
اسيرة حتى الحواس
جفت الشفاة عطش
اشتاف للحرف الكراس
لاقلم كتب سطر
ولا يروى غيث المطر
مكبوتة المشاعر صارخة
خاوية النفوش شارخة
حطام الامانى اجمع
مسافرة الاحلام مبارحة
كل حلم قلب بكابوس
كلام عن اللسان محبوس
لكن لسة انا لسة
اجمع التراب وابوس
على الرف ركنت لبكرة
يمكن تتحقق فكرة
ركنت معانى حلوة
ركنت نواية بريئة
جواية رسمت معانى
طرحت زهر فانى
مال على عوددابل
انكسرت قبل اوانى
اسلم للريح للموج
كئيبة حتى المروج
عاصف بكل جميل
الامل ما عاد مدروج
بقلمى / حاتم صلاح
*********************
عنوان الموضوع: "من اعمال الشاعر حاتم صلاح انور Harafish"
إرسال تعليق