Harafish العاميه لنجوم الحرافيش ومجلــة همسات استثنائية الاليكترونية اسامه صبحي محمد / بقلم / محمد الأمير / بقلم / جابر سليمان / معوض حلمي / الطبيب الشاعر/ د.محمد رزق / كلمات جمعه عبدالرحمنبقلمي /محمودصلاح السيد10/7/2016/ الشاعر مجدي فرحات / سيد عبد الناصر

ولو كان الزمن.

......

ولو كان الزمن ينعاد 

اقابلك عند كل حدود 

يا شمس الفرحه والاعياد

معاك ابقى انا المولود 

ساعات الوهم ياخدني 

الاقي الشيب هنا في حضني 

والاقي السكه مقطوعه 

وانادي لبكره تاركني 

لانك انت ضحكيتي 

وانا منك بكون موجود 

اقابلك عند كل حدود 

رياح بالسم تقتلني 

وكلمه اه تغلبني 

اروح علي كلمه مكتوبه 

علي صوتك يا محبوبه

فترجع بسمتي ليا 

وارجع بيك اغنيه 

وورده بنورها يحضني 

انا بعشقك صحيح موعود

اقابلك عند كل حدود 

يا ليل نازل علي روحي 

وانا مجروح وطال نوحي 

انا منها وانا ليها 

وانا طلي يغطيها 

وصوتي نايات تغنيها 

فاسمع اسم من تاني 

تعود الروح لوجداني 

كتير في البعد توحشني 

لكنك شجرة ممدوده 

بحبك كلمه محدوده 

يا روح الحب وكيانه 

يا كل الروض ما بين كفك 

وكفك لسه مش موجود 

واقابلك عند كل حدود 

.......

اسامه صبحي محمد

5/7/2016 

****************** 

الدنيا بتشبه دايما

حلقه مفرغه مقفوله

مهما اتعلمت ترجع حتما

من تاني لسنه اولى

كل دروسها معتاده

و كل امتحان فيه بسقط

نفس جراحها متعاده

و انا على نفس الجرح بعيط

تتقابل و تقابل

تتودع و تودع

و سواء رافض او قابل

عمر اللي اتودع ما هيرجع

نفضل نستنى فبكره

و بننسى أيام عيشناها

و بكره هيبقى فيوم ذكرى

و نندم على ايام سيبناها

هنقول امتى لعلاقه لأ

ضاعت معالمها و معانيها

مهما هتعمل و تزق

نفسك مقطوع فيها

علشان منساش مش هكتب

هستخدم اسلوب الحفر

انا كل مره بتعذب 

لما مجموعي الاقيه صفر

بقلم / محمد الأمير 

********************

اتعلمت

-------

اتعلمت وموش بتعلم

ماشي وساكت ولا بتكلم

راضي وصابر عل اللي بيحصل

كاتم صوتي ومش بتظلم

-----------------------

اسمع مني وركز حبة

وأوعي تغرك دقن وجبة

هوا القلب اللي بيتسامح

زي الحقد اللي بيتخبا

------------------------

دنيا عجيبة أحوالها مريبة

لما بتلوي بتبقي كئيبة

لما بتضحك حرس منها

بعد الضحكة هتيجي مصيبة

-------------------------

يا اللي بتطمع تاخد اكتر

راحة بالك أغلي وأكبر

ربك قسّم كل ما فيها

رسم الصورة باجمل منظر

--------------------------

اتعلمت

بقلم / جابر سليمان 

*****************

عديت سعات امبارح ثانية ثانية

العمر اللى بيعدي موش بيجى مرة تانية

لو زعلت من الى عدى واللى فات

حتى صوتك تاة وسط زحمة السكات

بطل بكا على حلم تاة ولا بكرا ات

عدى سنين المر باليوم والسعات

هيا بتعدى علينا زى الامنيات

نبضة القلب اللى دقت شوية دقات

تقدر انتا ترجع منها حتى نبضة

ولا حتى ترجع من عنيك مجرد طرفة رمشة

اول المشورا بتبقى خطوة واحدة

اول الاحلام والانغام وحتى الامال فكرة

اعترف انك واخدها عافية

انك مفكر هيا كدة ماشية

ارسم خطوط لخطوتك اعمل حدود لسكتك

حاول تسابق يوم ضلك

لون ورود الضلمة من عقلك

او افتح شبابيك النور لعينك

متقسمة حتى من الاحزان مترتبة

متقولش لية انا ولية كدة

اللى مريت بية عدى على غيرك

ولو دام لغيرنا ماكانش وصلنا

متقولش اصل انا مبتلى

متشوفوا بقا غيرنا منجلى

صدقنى انا وانتا زى بعض

لو يوم فرحت قبلى تتسعد

بكرا انا فرحى متشال لوقت

وهاتيجى فرحتى اكيد فى وقت

متقسمة علكل سوا سيا

والشمس لما بتشرق علكل الضيا

ما ملوك ياما ملكوا الهنا

والخيبة منهم قال انا ربنا

دلوقتى فين هما غير تحت الثرى

افرح وصلى لربنا

واشكر ربك علضنا قبل الهنا

وانا زى ماقولت ليك متقسمة

الشاعر يسرى خليفة 

**************** 

:: لأنك مصر ::

:: أنا المصري ::

~~~~~~~~~~~~~~~~~~~~~~~

لأنك مصر .. 

برغم جروحك النازفة

بتعلمينا معاني الصبر .. 

لأنك مصر .. 

أشيل كفني على يدي

وارفعلك رايات النصر .. 

لأنك مصر ..

أفديكي بروحي ودمي

وابنيلك ف قلبي قصر ..

لأنك مصر .. 

محفوظة بعين ربي 

وأبية في كل عصر .. 

~~~~~~~~~~~~~~~~~~~~~~~ 

وانا المصري ..

هنا أرضي راويها النيل ..

أنا المصري .. 

كريم جدا وطبعي أصيل ..

أنا المصري .. 

فدا وطني باشوف الويل .. 

أنا المصري .. 

عشان مصري بشد الحيل .. 

أنا المصري .. 

كدا طبعي غنا ومواويل .. 

~~~~~~~~~~~~~~~~~~~~~~~

بقلمي .. 

معوض حلمي 

منشأة بطاش 

تمي الأمديد 

دقهلية

***************** 

فى بُـــــعـدى ...!

***

من كلمات

**

الطبيب الشاعر/ د.محمد رزق 

*

عيون القلب فى بُـعدى تراكِ

ورغم البُـعد لاتهوَى سِواكِ

فكونى فى الهَـوَى فـُلكى ويَـمِّـى

وكونى شمس دِفءٍ ياملاكى

أنا لاأرتضى بُعدى ولـَكن

عساكِ ترحمى بُعدى عساكِ

فإن البُعدَ نارٌ فى حِشايا

ويطفئ نارنا يوما لقاكِ

فجودى باللقاء وقـَرِّبينى

كفاكِ الله شرًا من عِداكِ

أنا يامُنيتى حقاً أعانى

وصبر الشوق يسقينى هلاكى

تعالـَى لاتـُمارى فى هوانا

وبوحى لاتخافى من هواكِ

أصون السرَّ ياعُمرى فقولى

كلامَ العشق لاأرضَــى شَــقاكِ

أداويكِ إذا عَـز الدواءُ

بروحى ، مُهجتى ، عُـمرى فِداكِ

**

تحية محبة وتقدير من القلب لكل الأهل والأحباب والأصحاب ،

وكل القلوب الطيبة والأرواح الطاهرة العامرة بالمحبة والخير ...

وكل عام أنتم جميعاً بخير وسعادة ويمن وبركة بإذن الله ...

الطبيب الشاعر المصرى/ د.محمد رزق 

******************

 تعالى لحضنى 

ضمنى وخدنى

ضمنى لعيونك

اصل انت واحشنى

سيبك ماالفيس

دكلام ومافيش

اناهابقى عريس

ليكى انتى ياعمرى

تعالى لحضنى

ضمنى وخدنى

اصل احنالبعض

بالطول والعرض

حبيبى على الارض

يابهجه قلبى

تعالى لحضنى

ضمنى وخدنى

مش انت المنى

يللى انت غزال

وانت الهوى

وشاغل البال

طيب فين الدوى

يللى انت شاغلنى

تعالى لحضنى

ضمنى وخدنى

مستنى الرد

يللى انت حبيبى

بحب بجد

وانت نصيبى 

وانت اللى تاعبنى

وتعالى لحضنى

كلمات جمعه عبدالرحمن

************

(((الكلام الطيب)))
خلى الكلام الطيب بنا يروح ويجى
وما تخليش أى حاجه تعكر بنا
دا اللى بنا صعب أى حد يتخيله
عشنا معاه عمرنا من أوله
والناس كانوا منا بيتعلموا
كان لما يصعب علينا أمر نستفهموا
وكانت قلوبنا على بعض بيسلموا
دلوقت ليه كلامهم بنا نعملوا
وماعدش حد طيب بنا نحكموا
عايزين علينا يحكموا ويتحكموا
ويشعللوا النار مابنا ويصهللوا
ليه نديهم فرصه فينا يفرحوا ويتبسموا
وعلى رقابنا يقفوا ويقسموا
عايزين نصلح مابنا ونرجع تاني
ونخليهم من غيظهم يتحسروا ويفلفلوا
وننسي كل الكلام الجارح بنا من أوله
ونسامح بعض وكل غلط بنا نعدله
دا الشيطان شاطر وأبلايسه فى الشر للناس بتخططه وبتعلمه
بقلمي /محمودصلاح السيد10/7/2016

***************

كل اللي بينا انتهى

والحب كان أوهام

كفايه عذاب واسا

هيفيد بايه الكلام

عدت سنه ورا سنه

دايبين في الاحلام

وجراح من غير دوا

وشوق عمرو ما نام

مساكين أهل الهوا

سارحه بيهم الايام

كلمات

الشاعر مجدي فرحات 

*****************

جـِـيــتــِى الد ُنيا ف لحظه ياساجده...

وربـِّى إله الكل مـُعينــــــــــــــــــك...

تكفينى بسمه حـُب ياساجـــــــــــده...

متسَطـّره على كـُل جبينـــــــــــك...

بـُكره أعادى الدمعه ياساجـــــده...

لو هتقَطــَّر كده من عينــــــــــك...

مهما ان عـِشت ف أرض الدنيا...

مااسمح أبدا ً حــَد ّ يهينـــــــــك...

إهداء إلى سيد عبد الناصر

الشاعر يحيي المصرى

بمناسبه ميلاد ابنتـــــــــــه

ساجده سيد عبد الناصر

**************** 
العاميه لنجوم الحرافيش ومجلــة همسات استثنائية الاليكترونية  اسامه صبحي محمد / بقلم / محمد الأمير / بقلم / جابر سليمان / معوض حلمي / الطبيب الشاعر/ د.محمد رزق /  كلمات جمعه عبدالرحمنبقلمي /محمودصلاح السيد10/7/2016/ الشاعر مجدي فرحات / سيد عبد الناصر