من_طرف_الخيط بقلم أسامة_رمضان The thread

مفتتح النص غير قابل للعياط والتنهيد كفا دموعك وبلاش تثيرى الوجع فى جسد بلا روح كل اللى باقى من الطموح اشياء لاترى الضرب فى الميت مش حرام دا افترى غمى عيونك خلينى اشوف باقى النهار الضحكه فى حضره وجودك كدابه نص السلام الاخير كرابيك بتعلم فى الكفوف ولو كل الحروف لسه بتشبهك هبطل كتابه الكاميرا بتتسحب وتبعد على طول فبنخرج من المشهد قاتل.. ومقتول قصيده #من_طرف_الخيط .............. يا كل حاجه بتعكنن علينا الخلوه بالنفس كفايه مافيش فينا حيل للقرب المزيف ولاحتى الطمع ف بكره مبقاش لينا غير حبه صور من نسل ضحكه صممت تتحول لذكرى وبدون نفاق للحلم المستعار من نومه ف المستقبل رسمت الخوف ع كل الجدران ف الروح بنت وولد تايهين ف امبارح نتيجه لشلل تام ف الطموح والعجز عن البوح بسر انفصال العقل والتفكير رغم الموت تسأله يقولك بخير يا اخر رقصه ع موسيقى الناى والعود يا اخر ضحكه بتتحول لبارود يقتل كل تأنيب الضمير الوحده تكفير للذنوب بتبل عينك من البشر زهد يمكن تتوب عن حضنها ف الخلا ف تصب فيك العشق بعينيها والشهوه تنهش من جسمك بنات ميكفوش لداء القرب ليها مع اخر مدد مــ السما الارض بتتحول سراب ومــ الجانب الاعمى للنظر البعيد لملامح الصوره الوهميه لضلك اتنين صحاب ماسكين ف كفوف الطريق وانت الغريق فاقد وزن الروح عشان تعوم غمض عينيك اوى وقت اللزوم واحبس دموع الليل عيال عواجيز متعلقين بضحكه الشمس ف الصبحيه وهى بتطبطب ع كتف العشمانين ف الله لسه المستحيل بيشق ضهر الحياه بريق انشف من الحجر لسه القدر ف طرف الخيط مربوط من ساعه نزولك ع الارض وانت بتستهجى الطريق طول وعرض وكل تفاصيل المشاعر ع الورق شخبطه والشعبطه ف كل ايد تتمد وبفرض الظروف والخوف من بكره بصيت ف ايديك ملقتش حد #أسامة_رمضان