هابعتلك , فرحة ام بقلم محمد العليمي / حبيبي ماهر البساطي../ مستني احمد عبدالقادر / كلمة حب .....بقلمى ‫#‏محمد‬ الشاعرJoy

هابعتلك غديوه

=========

هابعتلك ويا الولد شوية 

كلام مغزول بالعفه 

ويا شوية عيش 

متحجر على الشفا 

وصحن المش اللى

علمنا فى يوم مانغش 

ولا نشتم حد فى 

ظهره ولا فى الوش

ونسامح كل خسيس 

لاننا الاصل 

وبنتكلم وش لوش 

ووياهم كمان فحلين 

بصل مشقوق من قلة الميه

بس مابيعرفش 

يشتكى ولا بيوش 

بكلام شين 

ولا بيضرب بالرجلين

ولابينطح كمان فى الوش 

يا ولد ابويا يا متعافى 

بلاش تجريح 

ولا تصريح ولا شتيمه 

ده حتى علمونا زمان 

نكون ولد اصول 

ولا نعادى حكامنا 

ولا نهز اركان

عرين الدار اللى اويانا 

ولا نتزوق بحرية الكلمه

المسمومه ونرجع نبكى

على اللبن المسكوب 

ونعصر على نفسنا لمونه

============

بقلم ///محمد العليمى///

****************************

{{ حبيبي }}..

حبيبي..

قمر وف ليلة بدره

والورده.. 

مرسومه علي خده

وف حسنه.. 

مالائيت انا زيه

وانا قلبي..

دايما يندهله

يندهله.. 

وكمان بيقوله

ياحبيبي.......

قرب هنا جانبي ماتسبنيش

وتعالي في حضني خليني اعيش

بُعدك عني بيعذبني

والدنيا بدونك ماتساويش..

ضُم إيدي جوه إيدك

واحضن قلبي جوه قلبك

خلّي الدنيا تبقي فرحه

ويزينها ليا حُبك..

عيونك المٍبتسمه دول

خلوني لا انطق ولا حتي اقول

غير اني حاسس ان انت جنه

ومعاك السعاده

دايمه وعلي طول..

يا.....حبيبي...

ماهر البساطي..

********************

فرحه ام

فى وسط دار

لما جالها خبر

استشهاد سندها

و ابنها بايد غدار 

تزغرط لاجل

ماتشمت العدا 

والدمع كاسى عينيها 

وحاسه بفرحة الانتصار

وبتوزع اهاتها 

فى كاسات الشربات 

وترقص

بس فى عنيها اسيه

ودمعه ناشفه 

ونظره عتاب متعافيه

كلمه رايحه 

وكلمه جايبه 

من جزيرة الدهب 

اومن غيطان الحنان

***امى قالت**

ولدى ساقى ترابى 

والشهيد

الليله كانت دخلته 

على بنت الجيران

وطمعت فيه الحوريه

انما سهم الغدرصابه 

وهو معدى فى دوريه

ابنى زفته مدويه

وبيحسدوه صحابه 

انه نالها فى الصيام

وروحت الم دمه 

مع شويه من التراب 

اللى ساقاه وهوصاينه 

وهاديتم لبنت الجيران

فى صينيه الصبحيه

وويا بسمه عزاء 

والدمع مرسوم باسى

قلت لها اتحنى بدمه 

واحلمى

انه راجع لك بغصن

زيتون وبذرة امان كمان

واكتبى على ورق النتيجه

ان ولاده منك انتى

عايشين فى امان وسلام

وانا دمه لما سقى 

بيه فى ارضه 

طرحت الارض

سنابل ايمانك

وده كان مهرك يا حلوه 

وده وعد الشهيد لا 

 بقلم ///محمد العليمى///

******************* 

صباح صاحي ومستني

بيسألني يجيني الرد

ف كتابك واعجابك

علي فني أشوف

الرمش في اهدابك

بيقتلني تسلم بطن

من جابك وتعزمني

تقول أبني اكيد البنت

رايدها تعالي اطلب

بقي ايدها في لحظه

اجي علي بابك وتجري

تقولي لاصحابك خطبني

وجبلي فستاني بلون

ابيض وخلاني اشوف

الفرحه في عيوني

حبيبي لو تكلمني كلام

عادي بيشغلني عشان

صوتك وأحساسك بحب

العطر في انفاسك حبيبي

بجد محتاجك اكون

اهلك واكون ناسك

احمد عبدالقادر 

********************* 

كلمة حب ‫#‏اتمنى‬ ان تنال إعجابكم

عيونى لا تداريها

وبات القلب يحكيها

وأضحى الحب حيرانا

وصمتى لا يناديها

وخوفى لا يراودنى

وعشقى لا يخبيها

وهمسى لا يكلمها

وأمسي لا يحاكيها

وأقسم أنى أعشقها

وأعشق كل ما فيها

وأكتب إسمها شعرا

وأنشد كى أغنيها

لها عين إذا نظرت

كأن البدر يحويها

ملامحها إذا ابتسمت

كأن الشمس تحكيها

سأكتم كل آهاتى

وآه الشوق أبديها

وأنسج من مقالاتى

خيوط الحب أهديها

يغازل قلبها شعرى

وليت الشعر يكفيها

سأحكى للورى عنها

وأرجو لو أراضيها

يموت القلب لو بعدت

ويحيا فى تلاقيها

سأهدم كل آلامى

وأفراحى سأبنيها

زهور الحب قد فاضت

وماء العشق يسقيها

فماذا عنك يا عمرى

أريدك أن تقوليها

كلام الحب قد يفنى

ومثلك لا أوافيها

رسالاتى سأبعثها

وأخشى أن تصديها

وإلا فابدأى أنتى

فإنى لست أخفيها

أحبك يا صدى قلبى

وأرجو لو تعيديها

.....بقلمى ‫#‏محمد‬ الشاعر

هابعتلك , فرحة ام   بقلم محمد العليمي / حبيبي ماهر البساطي../ مستني احمد عبدالقادر / كلمة حب .....بقلمى ‫#‏محمد‬ الشاعرJoy