لو صحيح مجنون
اسمع واقول
كلام جديد
ملوش ملوش حدود
او عيشها جنان
وانسى كمان
هقولك انا عشان
متبقاش جبان
الحياااااة
حلوة تمام
الحيااااااة
عيشها بجنان
لو الكل مش معاك
ضدك على طول
بلاش تطنش متفوتش
عيشها اصول
واتعلم الفنون
اركب متوسكل
او اركب حنطور
دى الحياااااااة
هيا الحيااااة
اتكلم فى السياسى
اواشترى مصاصة
اغمز بعنيك
ودلدل رجليك
هتبقا حلو وجميل
حلو وظريف
وعيش الحيااااة
دى الحيااااة
خليك فريش
اوعا تكش
لو نفسك تبقا مود
وعيل مظبوط
سبيكى وقرموط
خش عل الفيزون
واتنى تنية بنطلون
هتبقا حلو وجميل
شيك ومتين
الشاعر يسرى خليفة
اهداء الى شارموفرز
***********************
الحمد لله
على كل شيء
حتى على كلمة اة
الحمد لله
كل فجر كل صبح
كل شقشقة لنور
وانا حى علفلاح
الحمد لله
علجراح واللى عدى
واللى فات واللى راح
الحمد لله
على اللى بيعندو
ويظلموا ويرجعوا
يطلبوا السماح
الحمد لله
بكل دقة قلب
ونبضة هم
وثانية غم
بعدها انشراح
الحمد لله
واللى جاى مكسور
ولا هيعدى بنجاح
الحمد لله
على اللى واقف فعز البرد
واللى تعبان وواخد شغلة جد
واللى فى الصحرا بيعرق ماهمو حد
الحمد لله
اللى فاكر انة بعملو هينول الرضا
واللى بيجبي على خلقة
وموش سامع ندا
واللى ناسي انها برحمة ربنا
الحمد لله
الرحيم بعبادة
الكريم من زادة
مالك الملكوت
الخبير بعبادة
الحمد لله
الشاعر يسرى خليفة
*****************
قبل الفطار بساعة
ببقا محتاج محتاج اشاعة
حاجة ملقوش يا جماعة
زى فاقد المناعة
تقولش شبة بتوع المجاعة
انا قبل الفطار بساعة
تتخلق ليا المشاكل
او ببقا غاوى ببقا مشاكس
بس ببقا هادى وببقا عاقل
يعنى انا حافظ مقامى
بس انصحكم نصيحة
ابعدوا عن مكانى
ببقا بحواسى خارق
بكتشف كل الروايح
اللى جاى واللى رايح
يعنى من اخر الشارع
يعنى شامم اللى جارى
عارف ام سيد طبخا اية
وام سعيد وام عيد
اللى ساكنين بعيد
قبل الفطار بساعة
مصحفى فايدى ساعة
الوحيد اللى يشغلنى
ببقا شيخ وايقا وولى
الشاعريسرى خليفة
************************
ولسة موش فاهمين
عايزنا متقسمين
خايفين وموش عارفين
يا كل خلانى احبابي وصحابي
هنقول كمان مصر ليبيا وحتى السودان
يعنى اليمن سوريا لبنان نقول كمان
معلش اهى تونس وقبليها عراق
يعنى من النيل للفرات
دى خريطة رسمينها زمان
يعنى هما ورا داعش ورا اخوان
واللى متفرقش بينهم بالمال
نخش على دمغة العيال
نقول فى الحب فمخدارات وحتى نسوان
او نقول الدين اتغير وموش زى زمان
نخشلهم فى بيت بالاعلام والاعلان
نغير طبيعة العرب نملا قلوبهم جرب
المهم نحقق حلمنا زمان من النيل للفرات
ولسة موش فاهمين
الهند بالملاين وفيها
من كل شكل وكل دين
وبردو فيها مسلمين
وفيها للبقر عابدين
واكيد سلفيين
وسنة وشيعين
طب لية موش متفرقين
عشان مفيش ولعة
مفيش مفرقين
لسا موش فاهمين
امريكا يا معلمين
تعرفوا انها قارتين
وفيها مصريين
ويمنين وسودانين
وسوريين ولبنانين
وليبين وتونوسين
وموش متفرقين
الله لسا بردو
موش فاهمين
بيفروقنا احنا
بيقتولنا بأدينا احنا
ونخاونوا بعضنا
ونجورو على بعضنا
ونظلم دمنا ولحمنا
وشكلنا ونرخص دمنا
وانتا اخوانى وانتا علمانى
وانتا سلفاوى وانتا شيعى
مع انك انتا واكل فى بيتى
متربي جمبي وابن عمى
دة حتى دمك دة هو دمى
ارضى دى ارضك وامى امك
دول هما هما بتوع خريطة
رسمانا فرادى موش متجمعين
ولسة موش فاهمين
الشاعر يسري خليفة
********************
1
فى قلبي ملوش تانى
2
فى ايامنا فراحنين
3
فى حبي بزيادة
4
جمعتنا متجمعة
5
فى بيتى دول همسة
6
يا احلا حاجة فى الحتة
7
يارب يبعد عنكم الدمعة
8
ياحلا لمة هنية
9
كلنا ولادها وبنسعى
10
يدوم عليكم العيشرة
11
وبنحب وبنعاشر
12
ويبعد عننا الشر
13
احلا ناس احلا بشر
20
يارب تكونوا متهنين
30
ولسا ياما يا حلوين
40
يبعد عننا شر العين
50
ولا الف طعنة بسكين
60
موش هنتفرق ديما متجمعين
70
صح يا بنى ادمين
80
سن المروحين
90
ياعالم هنكون فين
100
انا وانتوا 100 .100
يسري خليفة
***************************
ذهب الطفل يشرب لبنا
لم يجد اللبنا
اخذ يهرول يبكى لمامتة
ضربتة بالقلما
مامتة قولتلوا اين اللبن
يا ابن الابلة
صرخ الطفل والله لم
اشرب لبنا
طبعا مامتة لم تصدقة
ونادت على اختة
اختة قالت يا امى
عملنا شاى باللبن
زعلت امة واخذت تبكى
على اللبن
اخذ الولد دراجتة فى الحوش
يلعبو
ركبو وجعتو واخذ يبكى
من ركوب العجلة
وادى جزات اللى ميشربش
الصبح اللبن
صرخت مامتة يابن الابلة
سيبك مالعجلة
هاهاهاهاهاهاها
يسري خليفة
عنوان الموضوع: "لو صحيح / الحمد لله / قبل الفطار / ولسة / فى قلبي / الطفل للشاعر يسري خليفة The child"
إرسال تعليق