يا ابتسامة الروح
يا روح
يا اللي حسنك
ويّا نبضك
ويّا حلمك
ويّا حقك المسلوب
يدوب
تطفي حرقة
معلمة جوا
القلوب
لما تاهت خطوتك
وسط دوامة الدنيا
الغريقة
يا اللي عشقك
كان حقيقة
ولا عمرو كان
وهم وخداع
ولا عمرو ساوم
ولا عمرو باع
إنسان بيعشق خطوتك
وانتي عايشالي الحكاية
وبترسمي دور البريئة
ألفين خسارة
يااللي حبك
هدّني
يااللي سيفك
المجنون غواني
وبدون ارادة
يردني
وآدي النهاية
بتبيعي فيا وتشتري
وكنتي دايمًا معذباني
ولا يوم عليا بتستري
لكن حقيقة
عاشق هواكي
سافف ترابك
إنسان بيرسم ضحكتك
خدام جنابك
وما كنتش اعرف
إن الحقيقة مؤلمة
رفعت راية لانتظار
نزلت دموعي مسلمة
تطلب رضاكي
أصل المعذب في هواكي
يا حبيبتي فقري
شاف الهوايل
شبعان جروح
وبحق تربيتك
يا أمي
مهما يوم ترفضي
إن لايديكي
انحني
بايديا اسمي
واقعد استنا ف سكاتك
وارسمك ومنين ما اروح
يا بسمة الليل الحزين
وابتسامة الروح
انت عشق الروح
يا مصر
عنوان الموضوع: "يا روح بوسطة جابرسليمان"
إرسال تعليق