ياخابية بوسطة اليان سمعان ابو طوني

ياخابية من دور جدي ريحتك بخور

000==-- قديش مر اجيال من قلبك سقيتي

بعدك بفي الحيط عايشة بسرور 

000==-- لابرد الشتي ولاحر بالعمر ماشكيتي

يامزيني البحرة نبع ياساقية العصفور

000==-- عمرو مامرق عطشان والمي رديتي

تنادي ولاد هالحارة لايشربو بالدور 

000==-- ياما عليكي تزاعلو وقديش راضيتي

يامعتقة كاس الخمر ياطابخة للدور

000==-- رسمو على جنابك ورد بخصرك حليتي 

راعي البراري رفيق وعرزالة الناطور 

000==-- ياحافظة المونة بقبو من خيرك هديتي 

حمل الصبايا عالكتف عانبعة الشحرور 

000==-- واسرارن عانبع العين بالعمر ماحكيتي

خزنو فيكي الدهب بالحيط صرلو دهور

000==-- وكنوز توارثو الاحفاد من سنين خبيتي