كفاية عليا اكتب حروف اسمك على بابى
كفاية عليا ارسم صورتك وملامحك
بفرحك بحزنك
بكبريائك
واشتياقك
فى كتابى
كفاية عليا
✍✍
دنيا ودايم فيها الذكرى
سرقت حلمى واملى فى بكرة
بعدت عنى اغلى حبيب
وارتنى قسوة وغدر
من قريب وغريب
كفاية عليا
✍✍
كفاية عليا اعيش
على الذكريات
انا خدت خلاص
على الجرح
والوجع والآهات
✍✍
كفاية عليا
يعيش حبك جوايا
وقلبى يكون
فاكرك مش ناسيك
شايفك وحاسك
ولمسك
وكأنى معاك
قدام عنيك
وبين ايديك
شايف نفسى معاك
فى احلامك
بمسح بأيدى
دموعك واواسيك
فى جرحك وآلامك
يصرخ قلبك يشكيلى
ابعد عنك تناديلى
تقوللى
حرام عليك
✍✍
كفاية عليا
كفاية عليا احبك
من بعيد لبعيد
مايكنش بينا وعود
ولا مواعيد
علشان قلبك
بايع خاين
باع القلب
خان الوعد
ومش بيقدر
المواعيد
كفاية...كفاية
كفاية عليا
عنوان الموضوع: "كفاية عليا بوسطة إسلام عامر"
إرسال تعليق