مالقيتش حد تتكلم معاه Do not find talking with him # شريف ممدوح

مالقيتش حد تتكلم معاه 

قعدت تفضفض مع نفسها

جواها تاه معنى الحياه 

مش لاقية حد يحسها

كان عندها كلام كتير ..و حاجات كتير مش عندها 

حب الندى ع الورد أسير شَبه الدموع على خدها

محتاجة تخرج ..

من نفسها 

من حبسها .. 

حبت كتير .. بس النصيب 

محتاجة حد يحبها 

محتاجة حد يحسها

دق السُكات بيقول حاجات 

ما بيحكيهاش غير السُكات 

أحلام مدفونة فى ذكريات 

وأحلام بتسرقها الساعات

صعبت عليها نفسها

عرفت أخيرا انها 

حق عليها و حقها 

تعيش تعافر حلمها

تعيش حياتها بنفسها

# شريف ممدوح