توب الغزل / لاتسافري / نضارتي / الفجر الشاعر السوري المهجري اليان سمعان Dawn

... توب الغزل .....-=0=-.....

..........................................................

شو بحب فيكي الصدق لو كذاب 

.....-=0=-..... فيكي الحكي رغم الحلا مالح

راهنت عاحرفي الرهن شو خاب 

.....-=0=-..... ما قدر يكتب حرف ليلة مبارح

قريت المراجع وفتحت الف كتاب 

.....-=0=-..... نقي حروف الغزل والحلو صالح

حملت الحلا بسلة واندرت عالابواب 

.....-=0=-..... اشحد حروف الغزل للحظك الجارح

واحد كتبلي قال شفافها عناب 

.....-=0=-..... وجارو كتبلي جبينك قمر واضح

ورفيق قلي قطوف تفاح خدا طاب

.....-=0=-..... خشف الغزال عاجبال الورد سارح

عبيت السلة شعار دونتهن بكتاب 

.....-=0=-..... هون الشعر توب الغزل شالح

شو بحب فيكي الغزل لوما الغزل كذاب

......-=0=-..... كحلة عيونك بتحلي لابحر مالح

................................................................

مسا الغزل والحب 

مسا الجمال 

ميا الهنا 

اصدقائي

***************************

لاتسافري-------

.............................

لاتسافري ليش السفر 

شوصار

لاتسافري مالك قلب 

لاتتركي هالدار

لاتسافري عنا بقي 

في وردتين زغار

لاتسافري موسم ورد 

بيفتح بايار

لاتسافري بالفقر والحاجة 

مابيفهمو الاحجار

لاتسافري ليل البعد

مابيحفظ الاسرار

لاتسافري ياحلوتي بكرى 

بيجي نوار

لاتسافري طلوع الشمس

خطوتين زغار

لاتسافري بوعدك هالايد 

زينا باسوار

لاتسافري بكرا راح تشوفي 

هالراجعين كتار

هالراجعين كتار

لاتسافري

********************

الشاعر السوري المهجري 

اليان سمعان

*************************

نضارتي اتركها ماعاد فيني اققشعك

-=*-=*-=*-=-* ولاعاد بقشع قصايد كاتبة هدية

ان شلتها راح ضيع وضيع موضعك

-=*-=*-=*-=* بين القلب والروح الساكنة فيي

هدب عيني حبيبي بعرف مرجعك

-=*-=*-=*=* وحرف الشعر مجنون نايم بعينيي

سقيني ياعمري كاس اعرف اسمعك 

-=*-=*-=*-=* ومن خمرة شفافي شراب كاس حنيّة

اوعى الزعل مني بغمزة برجعك 

-=*-=*-=*-=* ياما بغنجة حلا في قلوب مكوية

جراح حرفك قتلني خفف مبضعك 

-=*-=*-=*-=* مخدر ورودك مانفع خفف شوية

من الجبل تفاح خدي بلكي بيشبعك 

-=*-=*-=*-=* مربى الغزل بستان بالعشق مروية

نضارتي اتركها حبيبي ويلي مااطمعك 

-=*-=*-=*-=* ماراح غيرك شوف ولابيغلى عليي

...................................................................

صباحكم نضارة الامل 

اشعار الغزل 

اصدقائي

*****************************

الفجر غنى وللصباح اشراق 

.....*0*..... والشعر نادى وللاشعار عشاق

طل الصباح وما بالصبح من الق

.....*0*..... فاق الجمال للازهار مشتاق

الشمس تهدي للحبيب جبينها 

.....*0*..... والشعر يروي ملاحما اشواق

العين تخفي اشباحا مسربلة 

.....*0*..... ومزارع الخدين تفاح ودراق

الثغر يغري للعسال بشمعه 

.....*0*..... والعنق يفتح للاقطان اسواق

والصدر ابراج للقتال تخالها 

.....*0*..... والخصر للحور طراوة سراق

ساعتقل اللسان وصفا واكتفي 

.....*0*..... فالحب اداب و ازواق واخلاق 

توب الغزل / لاتسافري / نضارتي / الفجر الشاعر السوري المهجري  اليان سمعان Dawn