يا صايمين رمضان
-----------------
بالفضل
والإحسان
تبقي
صحيح إنسان
باب
الطريق ريّان
يا صايمين رمضان
---------------------
والصوم صيام الكل
يمحي الذنوب والغلّ
انوي معانا وصوم
فجر الهلال بيطل
-------------------------
لا تبص للعورات
ولا ترمي بالكلمات
الصوم فريضة وسر
مذكورة في الآيات
---------------------------
أوعاك وسيرة الناس
وحكاوي مالها أساس
أقرا كلام ربنا
مل البقرة للاخلاص
-----------------------------
دا صيامنا في رمضان
هيجدد الإيمان
والجوع وهيذكرك
بالنعمة يا غفلان
-------------------------------
أنوي معايا وقول
تاخد الثواب علطول
والرك ع النيات
يبقي الصيام مقبول
-----------------------------
عنوان الموضوع: "يا صايمين رمضان Credit and charity #جابرسليمان"
إرسال تعليق