ضربت راسي منك في الشق
وانشق منى النار
وكل ما افهم فيكي حاجة
ارجع وأنا محتار
طب عايزة اية اهمدى
دنا عايش
مربوط في ساقية
ليل نهار
ضربت أيدي في صخر الجبل
والصخر لان في ايدي
عارف هتقري الكلام تبتسمي
من ضربتي لأيدي
طب اعمل أية ليكي
وأنا دمى بيجري في وريدي
وأنا مهما طال الزمان
ملقيش غيرك مواعيدي
يا شمس يا مزهزها
هزي عناقيدي
ضربت ايدي فنخل عالي
مطولت إلا النور
حتى الأرانب بقت فلوس
وتغيرت كل النفوس
وأرنبنا فمنور أنور
وأرنب أنور تاه منا
وحتى خشب السقف
اللي 7 خشبات
داب من السوس والسوس مات
دنا روحت السوق واشتريت
قفص بصل طلع قفص قصب
وقميصي من الحر لساه منشفش
وريقي من شمسك لساه منشفش
كلام يفهموه بس معلمين
أصل الكلام في الدماغ موش للمتعلمين
يا وقعة بيضة مسلوقة ولا مهببة موش فارقة
دي خلق شايفة المر وبرود موش عاجبة
الشاعر يسري خليفة
عنوان الموضوع: "ضربت راسي الشاعر يسري خليفة"
إرسال تعليق