حرافيش
بلحم ودم طيور طايرة من غير ريش
دى ناس عايشة برزق اليوم وبكرا مفيش
حرافيش
دى معاناة بقولك اية متغنليش
دنا الزارع وانا العامل وانا نجار بتاع الشيش
فمتقوليش ومتبعنيش بكلمة تقولها
متشتغلنيش
انا وطنك وانا ناسك لبست الخيش بقيت
ناسك بقيت ملطوش بقيت حرفوش
حرافيش
عايزين لحلمنا يكبر ويعلا ويعيش
فاكرين انها مكتوبة عليهم واسمى مكتبهوش
وان طريقى موش طريقهم فا منمشيش
وان احنا ولاد تسعة وهما ولاد تسعييش
حرافيش
مكتوبة علينا واراح نمشي خطاويها
ولا منمشيش
هتقولى انتا بقا مين هقول حرفوش
فى زمن حرافيش
الشاعر يسري خليفة
عنوان الموضوع: "حرافيش الشاعر يسري خليفة"
إرسال تعليق