صرخة ألم.
صرخة ألم محبوسة ليه بين شفتين
تكتب ندم بحروف طريقها دمعتين
والخد نار وازاي بقي تحيي السنين
العشق حاله
والقرب حاله
واللي أنكتب حب استحالة
والسهم نافذ بين قلبين
صرخة ألم مسجونة ليه بين شفتين
بحب آه والآهة شاهقة صحت حنين
مكتوب احبك وارتوي ترياق أنين
أنسى الآهات وأنسى الزمن
يرجع سكات وادفع ثمن
كتب القلم في السطر كلمه من حرفين
حبك أمل وأنا والصراخ متجمعين
صرخة ألم
بتشق صدر العاشقين
تطلع دموع يمكن رجوع
والا الطريق حالف طلاق ع الخطوتين
والا السلام حالف فراق بين الإيدين
هو كده يكون المصير
أحلام تموت تحت الهجير
والليل كمان بيزيد قساوته حبتين
صرخة ألم محبوسة ليه بين شفتين
أسامه صبحي محمد
عنوان الموضوع: "صرخة ألم. أسامه صبحي محمد"
إرسال تعليق