ودمعه
ودمعه نزله تتمايل علي خدك
فتتعلق برمش العين
فترقص تانجو علي الهادي
.........
ووسط الخد ساحتها
فتملى بعشق نغزتها
وتنهيدك نغم شادي
........
وايد علي الخد محطوطه
ونظره واقفه مظبوطة
بتترجي ايدين تتمد
......
وشفه الدم كاسيها
بثوب علي طول مغطيها
ومستنظر يجليه المد
........
جمالك فوق حدود الحد
وقمري مستحيل يتمد
فيلمس دمعتك قبلي
.......
وعطشه لدمعه من عينك
وطول يومه يناديلك
........
فاركب مهرتي الذهبي
واجيلك طيف تحنيلي
تحلّيلي مرار يومي
........
برقصه تانجو تجمعنا
علي حضن الرموش معنى
فيتفجر بسرعه الشوق
........
فاقرب منك الخطوه
والف الايد اكون شجره
تضلل علي العيون السود
.........
وقوس حاجبك رشق سهمه
كاني لسه انا رسمه
بينطق اسمي مش اسهه
.......
الملم در انفاسك
وايدي تبقي حراسك
انا لدمعك بكون ناسك
...........
وتعميدي د يوم عيدي
ودمعك يجري بوريدي
فتشجيني دموع عينك
..........
اطوّل نظرتي حبه
ازود م العيار حبه
واجني بايدي كام حبه
..........
واضمك بين نايات العشق
واشكر ربي محلى الرزق
.......
ما انا رزقي دموع عينك
وشمسي ساكنه في جبينك
ف ليه العند يا حوريه
وليه بخلك طلع ليا
.........
بحبك ايوه عرفاها
بحبك غنوه عزفاها
فخلي دمعتك تنزل
عشان اقدر كمان انزل
في بحرك وارتوي بسحرك
.........
واغرّق شط احساسك
وهمسي تاج على راسك
وكلمه تضم انفاسك
في دمعك ابقى انا ناسك
انا اهلك وحرساك
انا نورك ونبراسك
انا وحدي اللي مسموح لي
يكون دمعي في كراسك
.........
يا اغلى الناس على قلبي
يا كنز الكون هنا جنبي
ف اغير من دمعه بين رمشك
فاسكن وحدي بين جفنك
.......
واقتل دمعه تسبقني
واعيش حلم اللقا خدني
علي دمعك انا بجني
زهور الحب والاحلام
فلو تبكي مدي الايام
بكى الفرحه يا احلى غرام
اكون بين الانام سلطان
.........
واشوف الدمعه تتمايل علي خدك
وتتعلق برمش العين
فنرقص تانجو ع الهادي
اسامه صبحي محمد
10/4/2016
.........
اول قطفه لاخوي محمد رمضان
ومن تقدم لتقدم
والحرافيش قامه عاليه باهلها
فحافظ علي كل عضو
تحياتي
والي ان نلتقي
عنوان الموضوع: "ودمعه / اسامه صبحي محمد 10/4/2016 "
إرسال تعليق