الطور بيلفلف / سمير الجارحى

الطور بيلفلف ف الساقية المية الباقية ماهيش باقية

ساعة اما تلملم محصولك الخوف بيغطي علي فصولك

وأصولك منزوعة البهجة محتار م النظرة وم اللهجة

دي بتضرب ولا بتتسامح قلبك للنبضة ماهوش سامح

ولا قابل تعشق قمراية ضحكايتك للعادي مراية

بتقولك فترة وعديها مش جايز تفرح بعديها

وتشاور للفرحة تهدي وتجيب أحلامك وتودي

وتعدي علي البر التاني والسما تتمرد ع الغيمة

وتنقط ع القلب أغاني فتنبت وردك ف الخيمة

وتعدى الطبقات الراقية . الطور بيلفلف ف الساقية

سمير الجارحى

جروب شبابيك على قهوة بلدى