بِس يا قُط
***********
دكر القط
قليل الاصل
ياكل يشرب
ناكر الفضل
*
فرد منيفر
وُلّد سوابق غاوى الشر
يشِبّ و يكبر
يغضب يُنفر
يزعل عينه تطق شرار
من بيته يهجر ولاا ليه بر
ويفضل عمره ناوى سفر
*
وعامل عمّله
مصاحب نمّله
ناوى على سرقة
نفسه مجامله
دكر القطِ دا
ناكر الفضل
لئيم فَشّار
*
فجأه يطل
بدون انذار
"بِس يا قُط اعكُشّلك فار"
طالع نازل
قول منشار!!
سايح سارح
جوا الدار
ينعم يلعب مع للصغار
ويرجع يُمّكر
يعمل أهبل
يجى يستهبل
عينه دبوس
على نووب للعيال
بِربش خِربش
اخطف و انتش
دكر القط دا
ناكر الفضل
برارى نشال .
***
نوووّ يا قط و اقولك سر
عارف معنى "شريد العمر" ؟!
لفّه بعيده وسكة مرار
حُكمها كاوى وزى النار
تتعب تعطش
تِخفى و تغطس
ولا ليك ضهر
ارجع نونو واقصر شر
****
بِسّ يا قط اعكُشّلك فار
😉
*****
بقلمى بهاء اللبودى
عنوان الموضوع: "بِس يا قُط بقلمى بهاء اللبودى"
إرسال تعليق