أنا حاضر ....أنا طيب
تناديني أقول طيب
واغني كل قول طيب
يصحي العاصي والطيب
وتبقى الفكره جوايا
---------------
تعيش الفكره جوايا
والاقي نفسي فى بدايه
حروفها من نجوم الليل
بتكتب للقمر مواويل
عشان يغزل شعاع النور
وبرضه الفكره جوايا
بتلمع زي كاس بنور
يطل الفجر نور ساطع
يعادي الضلمه ويدافع
ينور بين ضلوعي النور
وابقى زي حور الحور
أطير هايمه كما العصفور
أسبح للي خلق الصبح
واستقبل شعاع النور
وتبقى الفكره جوايا
أمل ساطع
وبيدافع عن المقهور
يشق ضلام كاسي وفارش
ويفرش نوره فوق الكون
وفى النور كل شيئ باين
قلوب مفتوحه ع الدنيا
بتصرخ فى الحقيقه تعالي
لأحضاني اللي مفتوحه
وصوتي نغمته مبحوحه
بضحكة قلب مجروحه
أتاري حقيقة الأيام
للي جاي تقوله سلام
وللي راح تقوله سلام
وكانت فكره جوايا
صحيت من نومي
لقيتها حلم م الأحلام
ولكن من الأحلام تولد أجمل الحقائق
سيظل الإنسان حالما مابقي حياً
وستشرق الشمس دوماً كل يوم بإذن ربها
من روعة وجمال
أبتساماتكم
ليلى فوده
عنوان الموضوع: "أنا حاضر ....أنا طيب بقلم / ليلى فوده"
إرسال تعليق