بهاء يسرى حصة العاب..

حصة العاب..

************

صوت رنة 

جرس الحصه

فيه الف حكايه 

وقصه 

تيجى فرحة 

ليلة العيد . 

وساعات

الهم يزيد .

الميس عقابها شديد 

وكمان تضرب ع الايد 

****

واوقات تلاقينى 

وحدانى 

شايلانى

بلاد احزانى.

وساعات

انا ببقى سعيد 

ف الفسحه 

انا بجرى طريد

وصحابى حوالين منّى 

ماجد وشريف و وليد 

جريشة وحسام وسعيد 

...

صوت رنة 

جرس الحصه 

فيه الف حكايه وقصه .

.....

فيه لعب كمان اوقات .

وصحاب احلى اشتغالات ..

سايبين لى اجمل ذكرى .

ل سنين اغلى حكايات ..

....

يا زمان 

انا نفسى ف حصه 

وصحابى زى ما كان 

ان شالله حصة احصا 

وياسلام . لو كات العاب .

*********

صوت رنه جرس الحصه

فيه الف حكايه وقصه 

*********

بهاء يسرى